Qazaqstandyq zańger Ablai Baitenov FlyArystan áýe kompaniiasynan moraldyq ziian úshin ótemaqy óndirip aldy. Buǵan jolaýshylardyń konditsioneri qosylmaǵan jabyq ushaq ishinde 45 minýtqa jýyq ýaqyt otyrýǵa májbúr bolǵany sebep bolǵan, dep habarlaidy dalanews.kz.
Oqiǵa 9 shildede Shymkent – Almaty baǵytyndaǵy reiste bolǵan. Baitenovtiń aitýynsha, jolaýshylardy ushaqqa saǵat 17:00 shamasynda otyrǵyzǵanymen, áýe kemesi ýaqytynda ushpaǵan. Sol kezde Shymkentte aýa temperatýrasy +36,2 gradýsqa deiin jetken.
Zańger sotqa júgingen. Ol dálel retinde smartfonǵa túsirilgen beinejazbalar men «Qazgidromet» derekterin usynýdy josparlaǵan.
Baitenovtiń sózinshe, áýe kompaniiasy óz tarapynan eshqandai zańbuzýshylyq bolmaǵanyn alǵa tartqan.
Alaida birinshi satydaǵy sot jolaýshynyń ýájin qoldady. Sot FlyArystan-nan moraldyq ziian úshin ótemaqy óndirip, sonymen qatar sot shyǵyndaryn tolyq óteýdi mindettedi.
