Qazaqstanda energetikalyq jobalardyń ýaqytyly júzege asyrylýyn baqylaý kúsheitiledi. Premer-ministr Oljas Bektenov «Samuryq-Energo» kompaniiasynyń burynǵy basshysy Qairat Maqsutov birneshe ret eskertý jasalǵanyna qaramastan, tiisti qorytyndy shyǵarmaǵanyn málimdedi, dep habarlaidy dalanews.kz.
Úkimet basshysynyń aitýynsha, jańa energetikalyq qýattardy salý jáne paidalanýǵa berý merzimderin baqylaý máselesi boiynsha Maqsutovqa birneshe ret eskertý jasalǵan. Alaida ol tiisti qorytyndy shyǵarmaǵan. Osydan keiin Memleket basshysy qatań syn aityp, tiisti sheshim qabyldanǵan.
Qairat Maqsutov 28 qazanda qyzmetinen bosatyldy.
Bektenov Energetika ministrligi men «Samuryq-Qazyna» qoryna josparlanǵan jobalardyń júzege asyrylýyn qamtamasyz etip, mundai jaǵdailardyń qaitalanýyna jol bermeýdi tapsyrdy.
Sonymen qatar jyl sońyna deiin Energetika ministrligi men qor 2035 jylǵa deiingi Qazaqstannyń energetikalyq teńgerimin qaita qaraýy kerek. Jańartylǵan qujatta «taza» kómir tehnologiialaryn qoldaný, jańartylatyn energiia kózderin damytý jáne 2027 jyly «Balqash» atom elektr stantsiiasynyń qurylysyn bastaý josparlary eskerilýi qajet.
Budan bólek, «Samuryq-Qazyna» qoryna Atom energiiasy jónindegi agenttikpen birlesip, bolashaq atom elektr stantsiialaryna arnalǵan ýrannyń memlekettik strategiialyq qoryn qurý tapsyryldy.
