Saltanat Núkenovanyń ólimine baılanysty is boıynsha sottalǵan Baqytjan Baıjanov kasasıalyq satyda ózin tolyq aqtaýdy surady, dep habarlaıdy Dalanews.kz.

Onyń advokaty birinshi jáne apelásıalyq sottardyń úkimderin joıýdy talap etip, Baıjanovtyń áreketterinde qylmys quramy joq ekenin málimdedi. Sonymen qatar qorǵaýshy Kúldeeva jaza merzimin jeńildetýdi de ótingen. Qazirgi ýaqytta is kasasıalyq sotta qaralyp jatyr.

Aıta keteıik, Baqytjan Baıjanov – burynǵy mınıstr Qýandyq Bıshimbaevtyń baýyry. Ol Núkenovanyń ólimine qatysty qylmysty jasyrdy dep tanylyp, 2024 jyly 4 jylǵa bas bostandyǵynan aıyrylǵan.

Buǵan deıin 4 jylǵa sottalǵan Baqytjan Baıjanovqa raqymshylyq jasalǵan edi. Sebebi Stepnogorsk qalalyq soty Bahytjan Baıjanovtyń amnıstıaǵa iligý týraly ótinishin qanaǵattandyrdy. Ol bul ótinishin Qazaqstan Konstıtýsıasynyń 30 jyldyǵyna oraı jazǵan.

Biraq qashan bostandyqqa shyǵatyny belgisiz.