سالتانات نۇكەنوۆانىڭ ولىمىنە بايلانىستى ءىس بويىنشا سوتتالعان باقىتجان بايجانوۆ كاسساسيالىق ساتىدا ءوزىن تولىق اقتاۋدى سۇرادى، دەپ حابارلايدى Dalanews.kz.
ونىڭ ادۆوكاتى ءبىرىنشى جانە اپەللياسيالىق سوتتاردىڭ ۇكىمدەرىن جويۋدى تالاپ ەتىپ، بايجانوۆتىڭ ارەكەتتەرىندە قىلمىس قۇرامى جوق ەكەنىن مالىمدەدى. سونىمەن قاتار قورعاۋشى كۇلدەيەۆا جازا مەرزىمىن جەڭىلدەتۋدى دە وتىنگەن. قازىرگى ۋاقىتتا ءىس كاسساسيالىق سوتتا قارالىپ جاتىر.
ايتا كەتەيىك، باقىتجان بايجانوۆ – بۇرىنعى مينيستر قۋاندىق بيشىمبايەۆتىڭ باۋىرى. ول نۇكەنوۆانىڭ ولىمىنە قاتىستى قىلمىستى جاسىردى دەپ تانىلىپ، 2024 جىلى 4 جىلعا باس بوستاندىعىنان ايىرىلعان.
بۇعان دەيىن 4 جىلعا سوتتالعان باقىتجان بايجانوۆقا راقىمشىلىق جاسالعان ەدى. سەبەبى ستەپنوگورسك قالالىق سوتى باحىتجان بايجانوۆتىڭ امنيستياعا ىلىگۋ تۋرالى ءوتىنىشىن قاناعاتتاندىردى. ول بۇل ءوتىنىشىن قازاقستان كونستيتۋسياسىنىڭ 30 جىلدىعىنا وراي جازعان.
ءبىراق قاشان بوستاندىققا شىعاتىنى بەلگىسىز.
