KASE-de - Qazaqstan qor birjasyndaǵy 10 sáýirdegi kúndizgi saýda-sattyq qorytyndysy boiynsha 1 AQSh dollarynyń ortasha baǵamy 515,18 teńge bolyp, 5,26 teńgege arzandady, dep habarlaidy Dalanews.kz.
Aita keteiik, Ulttyq banktiń 10 sáýirdegi 1 AQSh dollar úshin belgilegen resmi baǵamy - 520,48 teńge.
Kurs.kz derekteri boiynsha qazir Almatydaǵy aqsha aiyrbastaý oryndarynda 1 AQSh dollaryn satyp alý boiynsha ortasha baǵamy 514,47 teńgege, satý baǵamy 516,83 teńgege teń.
Al Astanada amerikalyq valiýtany orta eseppen 512,94 teńgeden satyp alyp, 519,97 teńgeden satyp jatyr.
Aita ketsek, 2025 jyly 7 sáýirde teńge qatty qunsyzdandy. Baǵa 504-ten 517-ge kóterildi. Buǵan munai baǵasynyń arzandaýy túrtki ekeni aityldy. Sondai-aq qarjy salasynyń sarapshy Arman Beisembaev munai naryǵyndaǵy jaǵdai jaqyn kúnderi túzelmese, osy aptada 1 AQSh dollarynyń quny 530 teńgege barýy múmkin ekenin boljady. Donald Tramptyń tarifterge qatysty 90 kúnge "demalys" jariialaǵany týraly jańalyqtan keiin bir túnde Brent markaly munaidyń bir barreli 60-tan 65 dollarǵa kóterilip, birneshe kúngi quldyraýdan keiin azdap "basyn tiktedi". Alaida tańerteń baǵa 64 dollarǵa qaita azdap tómendedi.
