KASE-دە - قازاقستان قور بيرجاسىنداعى 10 سەۋٸردەگٸ كٷندٸزگٸ ساۋدا-ساتتىق قورىتىندىسى بويىنشا 1 اقش دوللارىنىڭ ورتاشا باعامى 515,18 تەڭگە بولىپ, 5,26 تەڭگەگە ارزاندادى, دەپ حابارلايدى Dalanews.kz.
ايتا كەتەيٸك, ۇلتتىق بانكتٸڭ 10 سەۋٸردەگٸ 1 اقش دوللار ٷشٸن بەلگٸلەگەن رەسمي باعامى - 520,48 تەڭگە.
Kurs.kz دەرەكتەرٸ بويىنشا قازٸر الماتىداعى اقشا ايىرباستاۋ ورىندارىندا 1 اقش دوللارىن ساتىپ الۋ بويىنشا ورتاشا باعامى 514,47 تەڭگەگە, ساتۋ باعامى 516,83 تەڭگەگە تەڭ.
ال استانادا امەريكالىق ۆاليۋتانى ورتا ەسەپپەن 512,94 تەڭگەدەن ساتىپ الىپ, 519,97 تەڭگەدەن ساتىپ جاتىر.
ايتا كەتسەك, 2025 جىلى 7 سەۋٸردە تەڭگە قاتتى قۇنسىزداندى. باعا 504-تەن 517-گە كٶتەرٸلدٸ. بۇعان مۇناي باعاسىنىڭ ارزانداۋى تٷرتكٸ ەكەنٸ ايتىلدى. سونداي-اق قارجى سالاسىنىڭ ساراپشى ارمان بەيسەمباەۆ مۇناي نارىعىنداعى جاعداي جاقىن كٷندەرٸ تٷزەلمەسە, وسى اپتادا 1 اقش دوللارىنىڭ قۇنى 530 تەڭگەگە بارۋى مٷمكٸن ەكەنٸن بولجادى. دونالد ترامپتىڭ تاريفتەرگە قاتىستى 90 كٷنگە "دەمالىس" جارييالاعانى تۋرالى جاڭالىقتان كەيٸن بٸر تٷندە Brent ماركالى مۇنايدىڭ بٸر باررەلٸ 60-تان 65 دوللارعا كٶتەرٸلٸپ, بٸرنەشە كٷنگٸ قۇلدىراۋدان كەيٸن ازداپ "باسىن تٸكتەدٸ". الايدا تاڭەرتەڭ باعا 64 دوللارعا قايتا ازداپ تٶمەندەدٸ.
