– Jalpy bizdiń qojalyqtyń ieliginde 8 gektar 16 sottyq sýarmaly jer bar. Biyl sonyń 3 gektaryna qarbyz ektik. Alǵashqy ónim kólemi jaman bolǵan joq. Qyrǵystandyq kásipker kelip, 20 tonnany kelisine 140 teńgeden tólep, Iakýtiiaǵa áketemin dep otyr, – deidi qojalyq tóraǵasy Bórehan Ábishev.
Biyl Maqtaral aýdanynda 19 500 gektarǵa qaýyn, 8 myń 65 gektarǵa qarbyz egilgen. Onyń ishinde erte egilgen qaýyn kólemi 7800 gektardy, al qarbyz 5400 gektardy quraidy. Aýdan ákimi Jamantai Beisenbaev "Ábish-ata" sharýa qojalyǵynda bolyp, alǵashqy ónimniń artylýyna kýáger boldy.
Munan soń óńir basshysy kásipker deldaldarmen arnaiy kezdesip, suhbat qurdy. Qyrǵyzstandyq alypsatar Ravshan Hakimov 10 jyldan beri Maqtaral aýdanynyń diqandarymen tyǵyz qarym-qatynasta jumys istep keledi eken. Álemniń eń tátti qaýyn-qarbyzy osy jerde ósetinin aitqan ol maqtaraldyq ónimderge Resei Federatsiiasy tarapynan suranys joǵary ekenin atap ótti.
– Alǵashqy qarbyz ónimin Reseidiń Iakýtiia qalasyna alyp baryp satpaqshymyz. Onda barý úshin keminde 10 kún jol júremiz. Diqandardan qarbyzdyń kelisin 140 teńgeden satyp alýdamyz jáne ol byltyrǵy baǵamen salystyrǵanda qymbat. Al, Iakýtiiada baǵanyń qalai bolatynyn áli bilmeimiz. Maqtaraldyń qaýyn-qarbyzy erekshe tátti dámge ie. Sondyqtan, Reseide suranys óte joǵary, – deidi Ravshan Hakimov.
Kásipker deldaldarmen bolǵan kezdesýinen soń Jamantai Qanaiuly "Janat" sharýa qojalyǵyna atbasyn burdy. Sharýa qojalyqqa qarasty 85 gektar jer bar bolsa, biyl sonyń 45 gektaryna qaýyn, 40 gektaryna maqta egilipti. Qojalyqtyń tóraǵasy Erjan Asaýov qaýynnyń eń erte shyǵatyn "Aeroport" sortyn 70 kún buryn egip, búgin alǵashqy ónimderin alýda eken. Sondai-aq, ol qaýynnyń kelisin 400 teńgeden satyp jatqanyn aitty.
Aita keteiik, byltyr Ońtústik Qazaqstan oblysynyń diqandary 1 million 300 myń tonna baqsha ónimderin óndirse, sonyń 631 myń tonnasy maqtaraldyq diqandarǵa tiesili bolatyn.
https://dalanews.kz/36325
