Biyl 1000 teńgelik jáne 10000 teńgelik banknottar qoldanystan shyǵady. Bul eski úlgidegi aqshalarǵa qatysty jańalyq, dep habarlaidy Dalanews.kz
Qarjylyq saýat arnasynyń jazýy boiynsha, Ulttyq bank 2023 jyldan beri «Saq stili» seriiasymen shyqqan jańa dizaindaǵy banknotalardy kezeń-kezeńge bólip engizip jatyr. 20 000 teńgelikti esepke almaǵanda, jańa nominaldardyń bári ainalymǵa shyǵyp qoidy.
Resmi aqparat boiynsha, eski úlgidegi:
2 000 teńgelikter — 2026 jylǵy 24 maýsymǵa deiin
10 000 teńgelikter — 2026 jylǵy 27 maýsymǵa deiin jańa aqshalarmen ainalymda qatar júredi.
Ulttyq bank 10 000 teńgelik kýpiýralardyń merzimin uzartýy múmkin. Sebebi bul nominaldaǵy aqshalar halyq arasynda áli de kóp kezdesedi.
Jalpy, zańynda eski jáne jańa kýpiýralar birden aýysa salmaidy. Ekeýi de belgili bir ýaqyt aralyǵynda qoldanysta bola beredi. Sol aralyqta eski aqshamen tólem jasaýǵa da, ony jańasyna aiyrbastaýǵa da bolady. Al, bankter sol kezeńde bankomattary men kassalyq júielerin jańa aqshalarǵa beiimdeidi.
Ainalym kezeńi aiaqtalǵan soń da ekinshi deńgeili bankter men «Qazposhta» eski banknotalardy taǵy úsh jyl qabyldaidy. Al Ulttyq banktiń filialdarynda olardy merzimsiz, kez kelgen ýaqytta aiyrbastaýǵa bolady.
