بيىل 1000 تەڭگەلىك جانە 10000 تەڭگەلىك بانكنوتتار قولدانىستان شىعادى. بۇل ەسكى ۇلگىدەگى اقشالارعا قاتىستى جاڭالىق، دەپ حابارلايدى Dalanews.kz
قارجىلىق ساۋات ارناسىنىڭ جازۋى بويىنشا، ۇلتتىق بانك 2023 جىلدان بەرى «ساق ءستيلى» سەرياسىمەن شىققان جاڭا ديزاينداعى بانكنوتالاردى كەزەڭ-كەزەڭگە ءبولىپ ەنگىزىپ جاتىر. 20 000 تەڭگەلىكتى ەسەپكە الماعاندا، جاڭا نومينالداردىڭ ءبارى اينالىمعا شىعىپ قويدى.
رەسمي اقپارات بويىنشا، ەسكى ۇلگىدەگى:
2 000 تەڭگەلىكتەر — 2026 جىلعى 24 ماۋسىمعا دەيىن
10 000 تەڭگەلىكتەر — 2026 جىلعى 27 ماۋسىمعا دەيىن جاڭا اقشالارمەن اينالىمدا قاتار جۇرەدى.
ۇلتتىق بانك 10 000 تەڭگەلىك كۋپيۋرالاردىڭ مەرزىمىن ۇزارتۋى مۇمكىن. سەبەبى بۇل نومينالداعى اقشالار حالىق اراسىندا ءالى دە كوپ كەزدەسەدى.
جالپى، زاڭىندا ەسكى جانە جاڭا كۋپيۋرالار بىردەن اۋىسا سالمايدى. ەكەۋى دە بەلگىلى ءبىر ۋاقىت ارالىعىندا قولدانىستا بولا بەرەدى. سول ارالىقتا ەسكى اقشامەن تولەم جاساۋعا دا، ونى جاڭاسىنا ايىرباستاۋعا دا بولادى. ال، بانكتەر سول كەزەڭدە بانكوماتتارى مەن كاسسالىق جۇيەلەرىن جاڭا اقشالارعا بەيىمدەيدى.
اينالىم كەزەڭى اياقتالعان سوڭ دا ەكىنشى دەڭگەيلى بانكتەر مەن «قازپوشتا» ەسكى بانكنوتالاردى تاعى ءۇش جىل قابىلدايدى. ال ۇلتتىق بانكتىڭ فيليالدارىندا ولاردى مەرزىمسىز، كەز كەلگەن ۋاقىتتا ايىرباستاۋعا بولادى.
