Shyǵystanýshy-saiasattanýshy Janat Momynqulov jańadan qurylǵan «Ádilet» partiiasynyń saiasi keńes quramyna taldaý jasap, bul jobany biliktiń eski partiialyq modelden bas tartý áreketi bolýy múmkin ekenin aitty, dep habarlaidy dalanews.kz.
Sarapshynyń pikirinshe, Qazaqstandaǵy burynǵy partiialyq júie, ásirese «Nur Otan» – AMANAT brendi qoǵam úshin eskirgen saiasi simvolǵa ainalǵan. Onyń aitýynsha, bul ataý Nazarbaev dáýirimen, aýyr biýrokratiialyq apparatpen jáne «dekorativ saiasatpen» tym tyǵyz bailanysyp ketken.
Momynqulov «Ádilet» partiiasynyń qurylýyn jańa saiasi vitrina qalyptastyrý áreketi retinde baǵalaidy. Ol partiianyń az ýaqyt ishinde qurylyp, qysqa merzimde 10 myń qol jinap, sezin ótkizýi jai ǵana saiasi oqiǵa emes ekenin atap ótti.
Saiasattanýshy partiia quramynda burynǵy yqpaldy sheneýnikter men «saiasattyń dinozavrlary» joq ekenine nazar aýdarǵan. Onyń sózinshe, saiasi keńeste «máńgi depýtattar», aýyr salmaqty ákimder nemese 2000-jyldardaǵy eski elita ókilderi baiqalmaidy.
Esesine quramnan tehnokrattar, tsifrlyq sala mamandary, qoǵam belsendileri, jańa biznes ókilderi men media salasynyń tanymal tulǵalary kórinedi.
«Baǵdat Mýsin, Raýan Kenjehanuly, Dinara Zákieva, Nurbek Matjani jáne basqalardyń bolýy kezdeisoq emes shyǵar. Bul qoǵamǵa úmit bolatyn, biraq eskiniń júgin arqalamaǵan “jańa saiasi elitanyń” beinesin kórsetý áreketi me sonda?» deidi ol.
Momynqulov bul tulǵalardyń ortaq sipaty retinde olardyń 40-50 jas shamasyndaǵy, qalalyq ortadan shyqqan kásibi býyn ekenin atap ótti. Sonymen qatar, olardyń «Eski Qazaqstan» júiesimen bailanysy álsizdeý degen pikir aitty.
Sonymen birge sarapshy bul jańarýdyń qanshalyqty shynaiy ekenine kúmán keltirdi. Onyń pikirinshe, «Ádilet» oppozitsiialyq jobaǵa jatpaidy jáne prezident saiasatyna beiimdelgen júieli konstrýktsiiaǵa kóbirek uqsaidy.
«Qaptamasy qanshalyqty jańa kóringenimen, bul tabiǵi saiasi básekeles partiiadan góri “jańa ákimshilik taptyń” partiiasyna uqsaidy», deidi saiasattanýshy.
Ol bilik qoǵamda, ásirese jastar arasynda jańarýǵa suranys baryn túsingenin aitady. Biraq eski partiialarǵa degen senimniń tómendeýi jańa formattaǵy saiasi joba qajettigin týǵyzǵan bolýy múmkin.
Sarapshynyń paiymynsha, «Ádilet» partiiasy – burynǵy júieni tolyq buzbai, bilik partiiasyn «jumsaq túrde qaita júkteý» áreketi bolýy yqtimal.
Momynqulov partiia quramynda daýly oppozitsionerlerdiń, ýltraultshyldardyń nemese baqylaýdan shyǵyp ketýi múmkin derbes saiasatkerlerdiń joqtyǵyna da nazar aýdardy. Onyń sózinshe, joba barynsha eseptelgen: tehnokratiia, tsifrlandyrý, áleýmettik kún tártibi jáne «saq reformizm» baǵyty baiqalady.
Saiasattanýshy ázirge basty suraq ashyq qalyp otyrǵanyn aitady: «Ádilet» shynaiy saiasi sýbektke ainala ma, álde qolmen basqarylatyn saiasattyń jańa ataýy bolyp qala ma?
«Ázirge bir nárse anyq: bul burynǵy “Asar” jobasyna uqsamaidy. Biraq shynaiy ashyq saiasi básekelestikke deiin áli de uzaq jol bar», dep túiindedi ol.
