شىعىستانۋشى-ساياساتتانۋشى جانات مومىنقۇلوۆ جاڭادان قۇرىلعان «ەدٸلەت» پارتيياسىنىڭ ساياسي كەڭەس قۇرامىنا تالداۋ جاساپ, بۇل جوبانى بيلٸكتٸڭ ەسكٸ پارتييالىق مودەلدەن باس تارتۋ ەرەكەتٸ بولۋى مٷمكٸن ەكەنٸن ايتتى, دەپ حابارلايدى dalanews.kz.
ساراپشىنىڭ پٸكٸرٸنشە, قازاقستانداعى بۇرىنعى پارتييالىق جٷيە, ەسٸرەسە «نۇر وتان» – AMANAT برەندٸ قوعام ٷشٸن ەسكٸرگەن ساياسي سيمۆولعا اينالعان. ونىڭ ايتۋىنشا, بۇل اتاۋ نازارباەۆ دەۋٸرٸمەن, اۋىر بيۋروكراتييالىق اپپاراتپەن جەنە «دەكوراتيۆ ساياساتپەن» تىم تىعىز بايلانىسىپ كەتكەن.
مومىنقۇلوۆ «ەدٸلەت» پارتيياسىنىڭ قۇرىلۋىن جاڭا ساياسي ۆيترينا قالىپتاستىرۋ ەرەكەتٸ رەتٸندە باعالايدى. ول پارتييانىڭ از ۋاقىت ٸشٸندە قۇرىلىپ, قىسقا مەرزٸمدە 10 مىڭ قول جيناپ, سەزٸن ٶتكٸزۋٸ جاي عانا ساياسي وقيعا ەمەس ەكەنٸن اتاپ ٶتتٸ.
ساياساتتانۋشى پارتييا قۇرامىندا بۇرىنعى ىقپالدى شەنەۋنٸكتەر مەن «ساياساتتىڭ دينوزاۆرلارى» جوق ەكەنٸنە نازار اۋدارعان. ونىڭ سٶزٸنشە, ساياسي كەڭەستە «مەڭگٸ دەپۋتاتتار», اۋىر سالماقتى ەكٸمدەر نەمەسە 2000-جىلدارداعى ەسكٸ ەليتا ٶكٸلدەرٸ بايقالمايدى.
ەسەسٸنە قۇرامنان تەحنوكراتتار, تسيفرلىق سالا ماماندارى, قوعام بەلسەندٸلەرٸ, جاڭا بيزنەس ٶكٸلدەرٸ مەن مەديا سالاسىنىڭ تانىمال تۇلعالارى كٶرٸنەدٸ.
«باعدات مۋسين, راۋان كەنجەحانۇلى, دينارا زەكيەۆا, نۇربەك ماتجاني جەنە باسقالاردىڭ بولۋى كەزدەيسوق ەمەس شىعار. بۇل قوعامعا ٷمٸت بولاتىن, بٸراق ەسكٸنٸڭ جٷگٸن ارقالاماعان “جاڭا ساياسي ەليتانىڭ” بەينەسٸن كٶرسەتۋ ەرەكەتٸ مە سوندا?» دەيدٸ ول.
مومىنقۇلوۆ بۇل تۇلعالاردىڭ ورتاق سيپاتى رەتٸندە ولاردىڭ 40-50 جاس شاماسىنداعى, قالالىق ورتادان شىققان كەسٸبي بۋىن ەكەنٸن اتاپ ٶتتٸ. سونىمەن قاتار, ولاردىڭ «ەسكٸ قازاقستان» جٷيەسٸمەن بايلانىسى ەلسٸزدەۋ دەگەن پٸكٸر ايتتى.
سونىمەن بٸرگە ساراپشى بۇل جاڭارۋدىڭ قانشالىقتى شىنايى ەكەنٸنە كٷمەن كەلتٸردٸ. ونىڭ پٸكٸرٸنشە, «ەدٸلەت» وپپوزيتسييالىق جوباعا جاتپايدى جەنە پرەزيدەنت ساياساتىنا بەيٸمدەلگەن جٷيەلٸ كونسترۋكتسيياعا كٶبٸرەك ۇقسايدى.
«قاپتاماسى قانشالىقتى جاڭا كٶرٸنگەنٸمەن, بۇل تابيعي ساياسي بەسەكەلەس پارتييادان گٶرٸ “جاڭا ەكٸمشٸلٸك تاپتىڭ” پارتيياسىنا ۇقسايدى», دەيدٸ ساياساتتانۋشى.
ول بيلٸك قوعامدا, ەسٸرەسە جاستار اراسىندا جاڭارۋعا سۇرانىس بارىن تٷسٸنگەنٸن ايتادى. بٸراق ەسكٸ پارتييالارعا دەگەن سەنٸمنٸڭ تٶمەندەۋٸ جاڭا فورماتتاعى ساياسي جوبا قاجەتتٸگٸن تۋعىزعان بولۋى مٷمكٸن.
ساراپشىنىڭ پايىمىنشا, «ەدٸلەت» پارتيياسى – بۇرىنعى جٷيەنٸ تولىق بۇزباي, بيلٸك پارتيياسىن «جۇمساق تٷردە قايتا جٷكتەۋ» ەرەكەتٸ بولۋى ىقتيمال.
مومىنقۇلوۆ پارتييا قۇرامىندا داۋلى وپپوزيتسيونەرلەردٸڭ, ۋلتراۇلتشىلداردىڭ نەمەسە باقىلاۋدان شىعىپ كەتۋٸ مٷمكٸن دەربەس ساياساتكەرلەردٸڭ جوقتىعىنا دا نازار اۋداردى. ونىڭ سٶزٸنشە, جوبا بارىنشا ەسەپتەلگەن: تەحنوكراتييا, تسيفرلاندىرۋ, ەلەۋمەتتٸك كٷن تەرتٸبٸ جەنە «ساق رەفورميزم» باعىتى بايقالادى.
ساياساتتانۋشى ەزٸرگە باستى سۇراق اشىق قالىپ وتىرعانىن ايتادى: «ەدٸلەت» شىنايى ساياسي سۋبەكتكە اينالا ما, ەلدە قولمەن باسقارىلاتىن ساياساتتىڭ جاڭا اتاۋى بولىپ قالا ما?
«ەزٸرگە بٸر نەرسە انىق: بۇل بۇرىنعى “اسار” جوباسىنا ۇقسامايدى. بٸراق شىنايى اشىق ساياسي بەسەكەلەستٸككە دەيٸن ەلٸ دە ۇزاق جول بار», دەپ تٷيٸندەدٸ ول.
