Qazaqstan qor bırjasynda (KASE) 2025 jyly 19 aqpanda saǵat 15:30-da shetel valútalary boıynsha kúndizgi saýda-sattyq toqtatyldy. Onyń qorytyndysy boıynsha 1 AQSH dollarynyń ortasha baǵamy 503,61 teńgeni qurap, birden 5,21 teńgege kóterildi, dep jazady Dalanews.kz.

Qytaı ıýany da 68,79 teńgege (+0,45) deıin ósti.

Aqsha aıyrbastaý oryndarynda osy ýaqytta 1 AQSH dollary 504-510 teńge, evro 524-530 teńge, rúbl 5,35-5,47 teńge aralyǵynda satyp alynyp, satylyp jatyr.

Munaıdyń álemdik naryqtaǵy baǵasy búgin, 19 aqpanda taǵy azdap ósti.

ICE Futures elektrondy bırjasyndaǵy saýda-sattyqta sáýir fúchersterindegi Brent markaly munaıdyń bir barreli 0,69%-ǵa, ıaǵnı 76,36 dollarǵa deıin ósti.

NYMEX elektrondy bırjasynyń saýda-sattyǵynda sáýir fúchersterindegi WTI markaly munaıynyń bir barreli 0,74%-ǵa, ıaǵnı 72,36 dollarǵa deıin qymbattady.

Al búgin tańerteń Ulttyq bank bekitken 1 AQSH dollarynyń baǵamy 497,89 teńge bolǵan edi.