قازاقستان قور بيرجاسىندا (KASE) 2025 جىلى 19 اقپاندا ساعات 15:30-دا شەتەل ۆاليۋتالارى بويىنشا كۇندىزگى ساۋدا-ساتتىق توقتاتىلدى. ونىڭ قورىتىندىسى بويىنشا 1 اقش دوللارىنىڭ ورتاشا باعامى 503،61 تەڭگەنى قۇراپ، بىردەن 5،21 تەڭگەگە كوتەرىلدى، دەپ جازادى Dalanews.kz.
جۇڭگو يۋانى دا 68،79 تەڭگەگە (+0،45) دەيىن ءوستى.
اقشا ايىرباستاۋ ورىندارىندا وسى ۋاقىتتا 1 اقش دوللارى 504-510 تەڭگە، ەۆرو 524-530 تەڭگە، رۋبل 5،35-5،47 تەڭگە ارالىعىندا ساتىپ الىنىپ، ساتىلىپ جاتىر.
مۇنايدىڭ الەمدىك نارىقتاعى باعاسى بۇگىن، 19 اقپاندا تاعى ازداپ ءوستى.
ICE Futures ەلەكتروندى بيرجاسىنداعى ساۋدا-ساتتىقتا ءساۋىر فيۋچەرستەرىندەگى Brent ماركالى مۇنايدىڭ ءبىر باررەلى 0،69%-عا، ياعني 76،36 دوللارعا دەيىن ءوستى.
NYMEX ەلەكتروندى بيرجاسىنىڭ ساۋدا-ساتتىعىندا ءساۋىر فيۋچەرستەرىندەگى WTI ماركالى مۇنايىنىڭ ءبىر باررەلى 0،74%-عا، ياعني 72،36 دوللارعا دەيىن قىمباتتادى.
ال بۇگىن تاڭەرتەڭ ۇلتتىق بانك بەكىتكەن 1 اقش دوللارىنىڭ باعامى 497،89 تەڭگە بولعان ەدى.
