Respýblika kúni qarsańynda Shymkent qalasynda 300-den asa turǵyn baspanaly boldy. Jańa qonystanýshylar arasynda tolyq emes jáne kópbalaly otbasylar, múmkindigi shekteýli balalardy tárbielep otyrǵan otbasylar, múmkindigi shekteýli azamattar, ata-ana qamqorlyǵynsyz qalǵandar men biýdjettik sala qyzmetkerleri bar. Paidalanýǵa berilgen baspanalardy turǵyndar Otbasy bank arqyly «2-10-20» jáne «5-10-20» memlekettik baǵdarlamalary boiynsha nesielik negizde rásimdegen.
«Bozaryq» shaǵynaýdanynda ótken saltanatty jiynǵa qala ákimi Ǵabit Syzdyqbekov pen «Otbasy bank» AQ Shymkent qalalyq filialynyń direktory Dáýren Saýdabaev qatysyp, jinalǵandardy quttyqtady.
"Respýblika kúniniń elimizde mańyzy orasan zor. Osynaý merekede Shymkent qalasynda turǵyn úi kezeginde turǵan 300 turǵyn qonys toiyn toilamaq. Bul bárimiz úshin de úlken qýanysh. Búgin 304 páterlik turǵyn úi paidalanýǵa berilse, jaqyn kúnderi 400 páterli 10 kópqabatty turǵyn úige konkýrs ótkiziletin bolady. Biz óz tarapymyzdan turǵyn úilerdiń sapasyn qatań qadaǵalaýǵa alyp otyrmyz.Baspanalaryńyz berekeli bolsyn", - dep Ǵabit Ábdimájituly turǵyndarǵa baspana kiltin tabys etti.
«Otbasy bank» AQ Shymkent qalalyq filialynyń direktory Dáýren Saýdabaevtyń aitýynsha, jyl basynan beri Otbasy bank «2-10-20» baǵdarlamasy boiynsha 2 500-ge jýyq, al «5-10-20» baǵdarlamasy boiynsha 3 247 otbasynyń baspanaly bolýyna kómektesken.
«Turǵyn úi-kommýnaldyq infraqurylymdy damytýdyń 2023-2029 jyldarǵa arnalǵan tujyrymdamasy» aiasynda «2-10-20» jáne «5-10-20» memlekettik baǵdarlamalar boiynsha berilgen páterlerdiń jyldyq mólsherlemesi 2% (JTSM 2%-dan bastap 2,1% deiin) jáne 5% (JTSM 5,2%-dan bastap 5,8% deiin) mólsherinde. Bul baǵdarlamalar baspana alý kezeginde turǵan azamattar men áleýmettik jaǵynan az qamtylǵan otbasylarǵa arnalǵan, - deidi «Otbasy bank» AQ Shymkent qalalyq filialynyń direktory Dáýren Saýdabaev.
Gúldana Dosova/Sýretterdiń avtory: Iana Ahmetova
Solardyń biri – Gúldana Dosova. Ol úi kezegine 2018 jyly tirkelgen eken. Kópbalaly ana kóp jyldan beri páter jaldap, ózgeniń bosaǵasyn saǵalap ótkenin aitady.
"Kópbalaly ana retinde biyl «2-10-20» baǵdarlamasy boiynsha konkýrsqa qatysyp, ózderińizkórgendei baspana kiltin alyp otyrmyn. Balalarym osy úsh bólmeli keń páterde emin-erkin oinap ósetin bolady dep qýanyp jatyrmyn. Turǵyn úige zárý bolǵan árbir otbasy osyndai baqytty kúnge jete bersin dep tileimin", - deidi ol.
Al, I toptaǵy múgedek Batyrqul Qasymhan da bul kúni ózi armandaǵan páteriniń kiltin aldy. Onyń úi kezegine tirkelgenine 9 jyl bolypty.
"Buǵan deiin qala ákiminiń qabyldaýyna úiimniń joq ekenin aityp, eki ret kirgen bolatynmyn. Ol kisi qalalyq turǵyn úi basqarmasynyń basshysyna tapsyrma berip, mine, búgin qanshama jyl armandaǵan baspanama qol jetkizip otyrmyn. Maǵan úsh bólmeli páter kilti tabystaldy. Qýanyshymda shek joq. Barlyǵyn tez rásimdep bergen Otbasy bankine de aitar alǵysym sheksiz. Jeńildetilgen nesieniń paiyzy óte arzan, qaltama aýyr salmaq salmaidy", - deidi Batyrqul Qasymhan.
Jalpy jyl basynan beri Shymkent qalasynda jyljymaityn múlik alý maqsatynda 27 000-nan astam turǵyn depozit ashty. Bul elimizdegi aimaqtararasynda eń joǵary kórsetkish. Iaǵni, shymkenttikter turǵyn úi jaǵdailaryn jaqsartý maqsatynda qarajat jinaýda belsendilik tanytyp keledi. Aǵymdaǵy jyly Shymkent shaharynda 3 633 otbasy «Otbasy bank» arqyly baspana alyp, qonys toiyn toilady.
