رەسپۋبليكا كۇنى قارساڭىندا شىمكەنت قالاسىندا 300-دەن اسا تۇرعىن باسپانالى بولدى. جاڭا قونىستانۋشىلار اراسىندا تولىق ەمەس جانە كوپبالالى وتباسىلار، مۇمكىندىگى شەكتەۋلى بالالاردى تاربيەلەپ وتىرعان وتباسىلار، مۇمكىندىگى شەكتەۋلى ازاماتتار، اتا-انا قامقورلىعىنسىز قالعاندار مەن بيۋدجەتتىك سالا قىزمەتكەرلەرءى  بار. پايدالانۋعا بەرىلگەن باسپانالاردى تۇرعىندار وتباسى بانك ارقىلى  «2-10-20» جانە «5-10-20»  مەملەكەتتىك باعدارلامالارى بويىنشا نەسيەلىك نەگىزدە راسىمدەگەن.  

«بوزارىق» شاعىناۋدانىندا وتكەن سالتاناتتى جيىنعا قالا اكىمى عابيت سىزدىقبەكوۆ پەن «وتباسى بانك» اق شىمكەنت قالالىق فيليالىنىڭ ديرەكتورى داۋرەن ساۋدابايەۆ قاتىسىپ، جينالعانداردى قۇتتىقتادى.

"رەسپۋبليكا كۇنىنىڭ ەلىمىزدە ماڭىزى وراسان زور. وسىناۋ مەرەكەدە شىمكەنت قالاسىندا تۇرعىن ءۇي كەزەگىندە تۇرعان 300 تۇرعىن قونىس تويىن تويلاماق. بۇل بءارىمىز ءۇشىن دە ۇلكەن قۋانىش. بۇگىن 304 پاتەرلىك تۇرعىن ءۇي پايدالانۋعا بەرىلسە، جاقىن كۇندەرى 400 پاتەرلى 10 كوپقاباتتى تۇرعىن ۇيگە كونكۋرس وتكىزىلەتىن بولادى. ءبىز ءوز تاراپىمىزدان تۇرعىن ۇيلەردىڭ ساپاسىن قاتاڭ قاداعالاۋعا الىپ وتىرمىز.باسپانالارىڭىز بەرەكەلى بولسىن"، - دەپ عابيت ءابدىماجيت ۇلى تۇرعىندارعا باسپانا كىلتىن تابىس ەتتى.

«وتباسى بانك» اق شىمكەنت قالالىق فيليالىنىڭ ديرەكتورى داۋرەن ساۋدابايەۆتىڭ ايتۋىنشا، جىل باسىنان بەرى وتباسى بانك «2-10-20» باعدارلاماسى بويىنشا 2 500-گە جۋىق، ال «5-10-20» باعدارلاماسى بويىنشا 3 247 وتباسىنىڭ باسپانالى بولۋىنا كومەكتەسكەن.

«تۇرعىن ۇي-كوممۋنالدىق ينفراقۇرىلىمدى دامىتۋدىڭ 2023-2029 جىلدارعا ارنالعان تۇجىرىمداماسى» اياسىندا «2-10-20» جانە «5-10-20» مەملەكەتتىك باعدارلامالار بويىنشا بەرىلگەن پاتەرلەردىڭ جىلدىق مولشەرلەمەسى 2% (جتسم 2%-دان باستاپ 2،1% دەيىن) جانە 5% (جتسم 5،2%-دان باستاپ 5،8% دەيىن) مولشەرىندە. بۇل باعدارلامالار باسپانا الۋ كەزەگىندە تۇرعان ازاماتتار مەن الەۋمەتتىك جاعىنان از قامتىلعان وتباسىلارعا ارنالعان، - دەيدى «وتباسى بانك» اق شىمكەنت قالالىق فيليالىنىڭ ديرەكتورى داۋرەن ساۋدابايەۆ.

گۇلدانا دوسوۆا/سۋرەتتەردىڭ اۆتورى: يانا احمەتوۆا

سولاردىڭ ءبىرى – گۇلدانا دوسوۆا. ول ءۇي كەزەگىنە 2018 جىلى تىركەلگەن ەكەن. كوپبالالى انا كوپ جىلدان بەرى پاتەر جالداپ، وزگەنىڭ بوساعاسىن ساعالاپ وتكەنىن ايتادى.

"كءوپبالالى انا رەتىندە بيىل «2-10-20» باعدارلاماسى بويىنشا كونكۋرسقا قاتىسىپ، وزدەرىڭءىزكورگەندەي باسپانا كىلتىن الىپ وتىرمىن. بالالارىم وسى ءۇش بولمەلى كەڭ پاتەردە ەمىن-ەركىن ويناپ وسەتىن بولادى دەپ قۋانىپ جاتىرمىن. تۇرعىن ۇيگە ءزارۋ بولعان ءاربىر وتباسى وسىنداي باقىتتى كۇنگە جەتە بەرسىن دەپ تىلەيمىن"، - دەيدى ول.

ال، ءى توپتاعى مۇگەدەك باتىرقۇل قاسىمحان دا بۇل كۇنى ءوزى ارمانداعان پاتەرىنىڭ كىلتىن الدى. ونىڭ ءۇي كەزەگىنە تىركەلگەنىنە 9 جىل بولىپتى.

"بۇعان دەيىن قالا اكىمىنءىڭ قابىلداۋىنا ءۇيىمنىڭ جوق ەكەنىن ايتىپ، ەكى رەت كىرگەن بولاتىنمىن. ول كىسى قالالىق تۇرعىن ءۇي باسقارماسىنىڭ باسشىسىنا تاپسىرما بەرىپ، مىنە، بۇگىن قانشاما جىل ارمانداعان باسپاناما قول جەتكىزىپ وتىرمىن. ماعان ءۇش بولمەلى پاتەر كىلتى تابىستالدى. قۋانىشىمدا شەك جوق. بارلىعىن تەز راسىمدەپ بەرگەن وتباسى بانكىنە دە ايتار العىسىم شەكسىز. جەڭىلدەتىلگەن نەسيەنىڭ پايىزى وتە ارزان، قالتاما اۋىر سالماق سالمايدى"، - دەيدى باتىرقۇل قاسىمحان.

جالپى جىل باسىنان بەرى شىمكەنت قالاسىندا جىلجىمايتىن مۇلىك الۋ ماقساتىندا 27 000-نان استام تۇرعىن دەپوزيت اشتى. بۇل ەلىمىزدەگى ايماقتاراراسىندا ەڭ جوعارى كورسەتكىش. ياعني، شىمكەنتتىكتەر تۇرعىن ءۇي جاعدايلارىن جاقسارتۋ ماقساتىندا قاراجات جيناۋدا بەلسەندىلىك تانىتىپ كەلەدى. اعىمداعى جىلى شىمكەنت شاھارىندا 3 633 وتباسى «وتباسى بانك» ارقىلى باسپانا الىپ، قونىس تويىن تويلادى.