Shveitsariianyń federaldyq qylmystyq soty qazaqstandyq kásipker Qairat Boranbaevtyń áieli Sholpan Boranbaevaǵa tiesili dep aitylatyn $212 mln qarajatty buǵattan bosatty, dep habarlaidy Dalanews.kz Azattyqqa siltep.
Qazaqstannyń burynǵy prezidenti Nursultan Nazarbaevtyń áýletiniń burynǵy qudasy kásipker Qairat Boranbaev Qandy qańtardan keiin ustalyp, “gazdy satý boiynsha kelisimnen túsken shamamen 14,6 mlrd teńge qarajatty jymqyrdy” degen kúdikke ilingen.
Budan keiin Qazaqstan biligi Shveitsariianyń bas prokýratýrasyna suraý salyp, Boranbaev jáne jaqyndaryna qatysty bank qujattaryn berýdi suraǵan. 2023 jyly Shveitsariia soty Sholpan Boranbaevaǵa tiesili shotty buǵattap, Qazaqstanǵa bank qujattaryn berý týraly sheshim shyǵarǵan.
Sol jyly Boranbaev ózine taǵylǵan aiypty moiyndap, tergeý organdarymen kelisimge kelgen. Ol 6 jylǵa bas bostandyǵynan aiyrylyp, memleketke aktivteriniń edáýir bóligin berýge kelisken.
Osydan keiin Qazaqstan biligi Shveitsariiaǵa birneshe hat jiberip, atalǵan aktivtiń zańsyz jolmen alynǵany týraly jetkilikti dárejede dáleli joǵyn aityp, shaǵymyn qaitarǵan.
Biyl qańtarda Shveitsariia soty esepshotty buǵattaý týraly sheshimniń kúshin joiǵan.
