شۆەيتسارييانىڭ فەدەرالدىق قىلمىستىق سوتى قازاقستاندىق كەسٸپكەر قايرات بورانباەۆتىڭ ەيەلٸ شولپان بورانباەۆاعا تيەسٸلٸ دەپ ايتىلاتىن $212 ملن قاراجاتتى بۇعاتتان بوساتتى, دەپ حابارلايدى Dalanews.kz ازاتتىققا سٸلتەپ.
قازاقستاننىڭ بۇرىنعى پرەزيدەنتٸ نۇرسۇلتان نازارباەۆتىڭ ەۋلەتٸنٸڭ بۇرىنعى قۇداسى كەسٸپكەر قايرات بورانباەۆ قاندى قاڭتاردان كەيٸن ۇستالىپ, “گازدى ساتۋ بويىنشا كەلٸسٸمنەن تٷسكەن شامامەن 14,6 ملرد تەڭگە قاراجاتتى جىمقىردى” دەگەن كٷدٸككە ٸلٸنگەن.
بۇدان كەيٸن قازاقستان بيلٸگٸ شۆەيتسارييانىڭ باس پروكۋراتۋراسىنا سۇراۋ سالىپ, بورانباەۆ جەنە جاقىندارىنا قاتىستى بانك قۇجاتتارىن بەرۋدٸ سۇراعان. 2023 جىلى شۆەيتسارييا سوتى شولپان بورانباەۆاعا تيەسٸلٸ شوتتى بۇعاتتاپ, قازاقستانعا بانك قۇجاتتارىن بەرۋ تۋرالى شەشٸم شىعارعان.
سول جىلى بورانباەۆ ٶزٸنە تاعىلعان ايىپتى مويىنداپ, تەرگەۋ ورگاندارىمەن كەلٸسٸمگە كەلگەن. ول 6 جىلعا باس بوستاندىعىنان ايىرىلىپ, مەملەكەتكە اكتيۆتەرٸنٸڭ ەدەۋٸر بٶلٸگٸن بەرۋگە كەلٸسكەن.
وسىدان كەيٸن قازاقستان بيلٸگٸ شۆەيتساريياعا بٸرنەشە حات جٸبەرٸپ, اتالعان اكتيۆتٸڭ زاڭسىز جولمەن الىنعانى تۋرالى جەتكٸلٸكتٸ دەرەجەدە دەلەلٸ جوعىن ايتىپ, شاعىمىن قايتارعان.
بيىل قاڭتاردا شۆەيتسارييا سوتى ەسەپشوتتى بۇعاتتاۋ تۋرالى شەشٸمنٸڭ كٷشٸن جويعان.
