Bolat Nazarbaevtyń qolshoqpary bolyp sanalǵan Eldos Qospaev pen onyń qylmystyq tobynan qandai múlikter tárkilengeni belgili boldy, dep habarlaidy Dalanews.kz.
Tárkilengen múlikter:
- 78 páter, 6 jer ýchaskesi, qoima ǵimaraty, 10 kommertsiialyq nysan, 2 kópqabatty úi (jalpy aýdany – 2 482 m²);
- 5 garaj, 3 kommertsiialyq nysan, 5 saýda nysany (jer telimderimen birge), 80 avtokólik, 2 qarý birligi, aqshalai qarajat pen qundy zattar.
Sondai-aq, sot sottalýshylardan jábirlenýshilerdiń paidasyna 6,5 mlrd teńge mólsherinde materialdyq jáne moraldyq ziiandy óteýge sheshim shyǵardy.
Eske salaiyq, Eldos Qospaev 28 qańtarda 15 jylǵa bas bostandyǵynan aiyryldy.
2023 jyldyń qyrkúieginde Eldos Qospaev pen onyń top músheleri Soltústik Kiprde ustalyp, Qazaqstanǵa ekstraditsiialandy. Olarǵa reiderlik, uiymdasqan qylmystyq top qurý jáne oǵan qatysý aiyptary taǵyldy.
Qarjylyq monitoring agenttiginiń málimetinshe, Qospaevtyń uiymdasqan qylmystyq tobyna 11 adam kirgen. Olarǵa kelesi kompaniialardy basyp alý boiynsha aiyp taǵyldy:
AV-Construction;
Profit Trade LTD;
Azovita Aktau;
Azovita Atyrau.
Eldos Qospaev ózine senimdi ókilderi – uiymdasqan qylmystyq top músheleri arqyly 7 jylǵa sottalǵan kásipker Almas Ábdiǵapparovtyń biznesiniń 75%-yn tartyp alǵan, keiin onyń anasyna qysym kórsetý arqyly qalǵan 25%-yn da iemdengen.
Bul istiń tergeýi 2024 jyldyń kókteminde aiaqtalǵan bolatyn.
