بولات نازاربايەۆتىڭ قولشوقپارى بولىپ سانالعان ەلدوس قوسپايەۆ پەن ونىڭ قىلمىستىق توبىنان قانداي مۇلىكتەر تاركىلەنگەنى بەلگىلى بولدى، دەپ حابارلايدى Dalanews.kz.
تاركىلەنگەن مۇلىكتەر:
- 78 پاتەر، 6 جەر ۋچاسكەسى، قويما عيماراتى، 10 كوممەرسيالىق نىسان، 2 كوپقاباتتى ءۇي (جالپى اۋدانى – 2 482 م²)؛
- 5 گاراج، 3 كوممەرسيالىق نىسان، 5 ساۋدا نىسانى (جەر تەلىمدەرىمەن بىرگە)، 80 اۆتوكولىك، 2 قارۋ بىرلىگى، اقشالاي قاراجات پەن قۇندى زاتتار.
سونداي-اق، سوت سوتتالۋشىلاردان جابىرلەنۋشىلەردىڭ پايداسىنا 6،5 ملرد تەڭگە مولشەرىندە ماتەريالدىق جانە مورالدىق زياندى وتەۋگە شەشىم شىعاردى.
ەسكە سالايىق، ەلدوس قوسپايەۆ 28 قاڭتاردا 15 جىلعا باس بوستاندىعىنان ايىرىلدى.
2023 جىلدىڭ قىركۇيەگىندە ەلدوس قوسپايەۆ پەن ونىڭ توپ مۇشەلەرى سولتۇستىك كيپردە ۇستالىپ، قازاقستانعا ەكستراديسيالاندى. ولارعا رەيدەرلىك، ۇيىمداسقان قىلمىستىق توپ قۇرۋ جانە وعان قاتىسۋ ايىپتارى تاعىلدى.
قارجىلىق مونيتورينگ اگەنتتىگىنىڭ مالىمەتىنشە، قوسپايەۆتىڭ ۇيىمداسقان قىلمىستىق توبىنا 11 ادام كىرگەن. ولارعا كەلەسى كومپانيالاردى باسىپ الۋ بويىنشا ايىپ تاعىلدى:
AV-Construction؛
Profit Trade LTD؛
Azovita Aktau؛
Azovita Atyrau.
ەلدوس قوسپايەۆ وزىنە سەنىمدى وكىلدەرى – ۇيىمداسقان قىلمىستىق توپ مۇشەلەرى ارقىلى 7 جىلعا سوتتالعان كاسىپكەر الماس ءابدىعاپپاروۆتىڭ بيزنەسىنىڭ 75%-ىن تارتىپ العان، كەيىن ونىڭ اناسىنا قىسىم كورسەتۋ ارقىلى قالعان 25%-ىن دا يەمدەنگەن.
بۇل ءىستىڭ تەرگەۋى 2024 جىلدىڭ كوكتەمىندە اياقتالعان بولاتىن.
