Qazaqstanda tanymal bloger Qaisar Qamzaǵa resmi túrde izdeý jariialandy. Bul týraly quqyq qorǵaý organdarynyń derekterinde aqparat tarady, dep habarlaidy Dalanews.kz
Ashyq aqparat kózderine sáikes, blogerge qatysty sotqa deiingi tergep-tekserý amaldary júrgizilip jatyr. Osyǵan bailanysty onyń naqty qai jerde júrgeni anyqtalmaǵandyqtan, ýákiletti organdar izdeý sharalaryn bastaǵan.
Izdeý isi Astana qalasynda tirkelgen, al tergeýdi Qazaqstan Respýblikasy Qarjy monitoringi agenttiginiń ekonomikalyq tergeý organdary júrgizip otyr.
Qaisar Qamza áleýmettik jeliler arqyly keńinen tanylǵan. Ol buǵan deiin jarnamalyq jobalar men onlain belsendiligi arqyly kópshilikke belgili bolǵan. Quzyrly organdar ázirge istiń naqty mán-jaiyn, sondai-aq qandai bap boiynsha tergeý júrip jatqanyn jariia etken joq.
Eske salaiyq, blogerdiń Instagram jelisinde 2,4 million jazylýshysy bar. 2025 jyly Týrizm jáne sport ministrligi Qaisar Qamzany zańsyz onlain utys oiyndaryn ótkizgen tulǵalar tizimine engizgen. Sol kezde oǵan 1 179 600 teńge kóleminde aiyppul salynǵan. Alaida bul jaittyń qazirgi izdeý isimen bailanysy bar-joǵy ázirge belgisiz.
Qazirgi ýaqytta tergeý amaldary jalǵasýda. Qosymsha aqparat resmi derekkózderden naqtylanǵan soń habarlanatyn bolady.
