قازاقستاندا تانىمال بلوگەر قايسار قامزاعا رەسمي تۇردە ىزدەۋ جاريالاندى. بۇل تۋرالى قۇقىق قورعاۋ ورگاندارىنىڭ دەرەكتەرىندە اقپارات تارادى، دەپ حابارلايدى Dalanews.kz
اشىق اقپارات كوزدەرىنە سايكەس، بلوگەرگە قاتىستى سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر. وسىعان بايلانىستى ونىڭ ناقتى قاي جەردە جۇرگەنى انىقتالماعاندىقتان، ۋاكىلەتتى ورگاندار ىزدەۋ شارالارىن باستاعان.
ىزدەۋ ءىسى استانا قالاسىندا تىركەلگەن، ال تەرگەۋدى قازاقستان رەسپۋبليكاسى قارجى مونيتورينگى اگەنتتىگىنىڭ ەكونوميكالىق تەرگەۋ ورگاندارى جۇرگىزىپ وتىر.
قايسار قامزا الەۋمەتتىك جەلىلەر ارقىلى كەڭىنەن تانىلعان. ول بۇعان دەيىن جارنامالىق جوبالار مەن ونلاين بەلسەندىلىگى ارقىلى كوپشىلىككە بەلگىلى بولعان. قۇزىرلى ورگاندار ازىرگە ءىستىڭ ناقتى ءمان-جايىن، سونداي-اق قانداي باپ بويىنشا تەرگەۋ ءجۇرىپ جاتقانىن جاريا ەتكەن جوق.
ەسكە سالايىق، بلوگەردىڭ Instagram جەلىسىندە 2،4 ميلليون جازىلۋشىسى بار. 2025 جىلى تۋريزم جانە سپورت مينيسترلىگى قايسار قامزانى زاڭسىز ونلاين ۇتىس ويىندارىن وتكىزگەن تۇلعالار تىزىمىنە ەنگىزگەن. سول كەزدە وعان 1 179 600 تەڭگە كولەمىندە ايىپپۇل سالىنعان. الايدا بۇل جايتتىڭ قازىرگى ىزدەۋ ىسىمەن بايلانىسى بار-جوعى ازىرگە بەلگىسىز.
قازىرگى ۋاقىتتا تەرگەۋ امالدارى جالعاسۋدا. قوسىمشا اقپارات رەسمي دەرەككوزدەردەن ناقتىلانعان سوڭ حابارلاناتىن بولادى.
