Belgili bloger, PR maman Álisher Elikbaev ánshi Qairat Nurtasqa qatysty el estimegen áńgimeni baiandap berdi. Oqiǵa ánshiniń Almatydaǵy kontsertindegi shýly jaitpen bailanysty bolǵan, - dep habarlaidy Dalanews.kz.
"2013 jyly Aisultan Nazarbaevtyń toiy bolyp jatqanda Qairat Nurtastyń Praim-plazadaǵy shýy bastalǵan edi. Dostyq dańǵylynyń joǵary jaǵynda úilený toiy bolyp jatty. Qalanyń tómengi kóshesinde ánshiniń kontserti janjalǵa ulasty. Sol kezde almatylyqtardyń birinshi suraǵy: «Qairat Nurtas degen kim?!» boldy. Kóbi tanymaidy eken. Ol kezde men jýrnalist bolyp jumys isteimin. Qairatty redaktsiiaǵa shaqyryp, oryssha suhbat alaiyq dedim. Biraq ol kelispei, qazaqsha beremin dedi. Anasymen de sóilestik. Aqyry qazaqsha suhbat berip, ony biz orysshaǵa aýdardyq. Myqty ánshi ekenine kózim jetti. Orystildi orta ǵana Qairat Nurtasty onsha tanymaidy eken. Shyǵarmashylyq jolyna kedergi kóp boldy", – dedi Elikbaev "Aiqap" podkastynda.
Bul azdai, Almaty qalasynyń sol kezdegi ákimi Ahmetjan Esimov Qairat Nurtastyń kontsertterin ótkizýge tyiym salǵanyn da jaiyp saldy.
"Sen Almatyda kontsert bermeisiń, seniń kim ekenińdi tanymaimyz" dep Ahmetjan Esimov Qairat Nurtasqa ashýlandy. Endi kontsert bermeidi dep emotsianaldy sheshim shyǵardy. Óitkeni joǵary jaqtaǵy toi qatar ótip jatqan edi. Biraq suhbattyń oryssha nusqasyn oqyǵannan keiin halyqtyń Qairatty qalai jaqsy kóretinine kózi jetti. Jalpy, Esimov ánshiniń shyǵarmashylyǵyna tosqaýyl bolǵany jasyryn emes", – dep jazdy sn.kz.
Aita keteiik, Ahmetjan Esimov 2008 jyly 4 sáýirde Almatynyń ákimi bolyp taǵaiyndaldy. Oǵan deiin qalany Imanǵali Tasmaǵambetov basqarǵan. Esimov 7 jyl - 2015 jylǵa deiin ońtústik Astanany basqarǵan.
