Bloger Anton Býdarovtan Sanjar Boqaevtyń paidasyna 1,2 mln teńge óndirip alyndy, dep habarlaidy Dalanews.kz.
Zańgerlerge bloger taratqan jalǵan málimetterdi shyndyqqa sáikes emes dep taný jáne olardy joqqa shyǵarý boiynsha negizgi talaptardy oryndaý jumysy áli alda.
Advokat Murat Adam belgili qoǵam jáne saiasat qairatkeri Sanjar Boqaevtyń paidasyna bloger Anton Býdarovtan jeke sot oryndaýshysy arqyly 1 284 064 teńge óndirip alynǵanyn habarlady.
«Búgin biz bloger Anton Býdarovtan belgili qoǵam jáne saiasi tulǵa Sanjar Boqaevtyń paidasyna jalpy somasy 1 284 064,8 teńge óndirdik. Bireý-mireý mundai nátijege kúmándanǵan shyǵar, biraq men emes», - dedi advokat.
Ol bul tek alǵashqy kezeń ekenin atap ótti.
«Anton Býdarov Sanjar Boqaev týraly taratqan shyndyqqa sáikes emes málimetterdi jalǵan dep taný jáne olardy resmi túrde joqqa shyǵarý jónindegi negizgi talaptar áli oryndalǵan joq. Bul jerde jumys jeńilirek bolady. Onyń ústine, ol boiynsha basqa josparlarymyz da bar», – dep qosty Murat Adam.
