بلوگەر انتون بۋداروۆتان سانجار بوقايەۆتىڭ پايداسىنا 1،2 ملن تەڭگە ءوندىرىپ الىندى، دەپ حابارلايدى Dalanews.kz.
زاڭگەرلەرگە بلوگەر تاراتقان جالعان مالىمەتتەردى شىندىققا سايكەس ەمەس دەپ تانۋ جانە ولاردى جوققا شىعارۋ بويىنشا نەگىزگى تالاپتاردى ورىنداۋ جۇمىسى ءالى الدا.
ادۆوكات مۇرات ادام بەلگىلى قوعام جانە ساياسات قايراتكەرى سانجار بوقايەۆتىڭ پايداسىنا بلوگەر انتون بۋداروۆتان جەكە سوت ورىنداۋشىسى ارقىلى 1 284 064 تەڭگە ءوندىرىپ الىنعانىن حابارلادى.
«بۇگىن ءبىز بلوگەر انتون بۋداروۆتان بەلگىلى قوعام جانە ساياسي تۇلعا سانجار بوقايەۆتىڭ پايداسىنا جالپى سوماسى 1 284 064،8 تەڭگە وندىردىك. بىرەۋ-مىرەۋ مۇنداي ناتيجەگە كۇماندانعان شىعار، ءبىراق مەن ەمەس»، - دەدى ادۆوكات.
ول بۇل تەك العاشقى كەزەڭ ەكەنىن اتاپ ءوتتى.
«انتون بۋداروۆ سانجار بوقايەۆ تۋرالى تاراتقان شىندىققا سايكەس ەمەس مالىمەتتەردى جالعان دەپ تانۋ جانە ولاردى رەسمي تۇردە جوققا شىعارۋ جونىندەگى نەگىزگى تالاپتار ءالى ورىندالعان جوق. بۇل جەردە جۇمىس جەڭىلىرەك بولادى. ونىڭ ۇستىنە، ول بويىنشا باسقا جوسپارلارىمىز دا بار»، – دەپ قوستى مۇرات ادام.
