Tústi metalýrgıada óndiris kólemi 8,1% ósti. Óndiris kólemi kelesi kásiporyndar arqyly artty: «Qazaqmys Korporasıasy» JSHS-da: tazartylǵan mys 19% , mys katankasy 101%, quımadaǵy altyn 14%, túıirshiktelgen kúmis 29%; «Qazmyrysh» JSHS-da: metal myrysh 3%; «Kastıng» JSHS-da: mys symy 92%, jez qorytpasy 46% ; «Qazaqstan Alúmını» AQ-da: glınozem 1%; «Taý-Ken Altyn» JSHS-da tazartylǵan altyn 33%, «Qazaqstan elektrolız zaýyty» AQ-da bastapqy alúmını 2%, «Qostanaı mıneraldary» AQ–da hrızotıl 7%, «Koýnrad mys kompanıasy» JSHS –da katodtyq mys 17 % artty.
Mashına jasaý salasynda óndiris kólemi myna kólemderdiń ulǵaıýy esebinen 30,4% ósti: avtokólik quraldary, treılerler jáne jartylaı tirkemeler 69,5% basqa sanattarǵa engizilmegen mashınalar men jabdyqtar 20,7%, elektr jabdyqtary 17,8%, ózge de kólik quraldaryn jasaý 53,6%, mashınalar men jabdyqtardy jóndeý jáne ornatý 6,2%, kompúterler jasaý 9,6% ósti.
Farmasevtıka ónerkásibinde óndiris kólemi 32,2% ósti. Ósim «Abdı Ibrahım Global Farm» JSHS-de shyǵaratyn ónim kóleminiń 6 esege artýymen baılanysty boldy. Budan basqa, «SK-Farmasıa» dıstrıbútory arqyly tegin medısınalyq kómektiń kepildik berilgen kólemi sheńberinde dárilik zattar men medısınalyq buıymdardy jetkizýdiń ulǵaıýymen qamtamasyz etildi.
Jeńil ónerkásipte jalpy óndiris 14,2% ósti. Ol toqyma buıymdary óndirisiniń 12,3%, bylǵary jáne oǵan jatatyn ónimderdiń 18,9%, kıim óndirisiniń 14,7% ulǵaıýyna baılanysty. Qazirgi ýaqytta «Qarapaıym zattar ekonomıkasy» baǵdarlamasy sheńberinde salanyń damýy boıynsha birqatar normatıvtik aktiler men júıeli sharalar qabyldanýda.
