Jobanyń alǵashqy kezeńinde joldyń 15,6 shaqyrymynda asfalt tóseminiń negizgi jáne tómengi qabattary tóseldi. Jalpy uzyndyǵy 27 shaqyrymdy quraityn jol ýchaskesi 4 jolaqty bolmaq. Sondai-aq, atalmysh nysanda jaiaý júrginshiler ótpeli men velojoldar salynyp, jaryqtandyrý baǵandary ornatylýda. Ýchaskedegi jumystarǵa tehnikanyń 80 birligi men 200-ge tarta jumysshy jumyldyrylǵan. Qaita jańartý jumystary men qurylys materialdarynyń sapasyn «Jol aktivteri sapasynyń ulttyq ortalyǵy» saraptamadan ótkizýde. Merdiger – «Aqjol Qurylys». Budan bólek, kompaniia sý tógetin «Shora» arnasy arqyly ótetin uzyndyǵy 70 metrden asatyn kópirdi salyp jatyr.
Sonymen qatar, jolshylar jobanyń 4-shi kezeńi asiayndaǵy jumystardy belsendi túrde júrgizýde. Uzyndyǵy 4,6 shaqyrymdy quraityn Ómirzaq eldi mekeninen Aqtaý qalasyndaǵy jaǵajaiǵa deiingi 4 jolaqty avtomobil jolyn «Altynquryq» JShS salýda. Búgingi tańda nysannyń 4,2 shaqyrymynda joldyń negizgi tómengi qabattaryn tóseý jumystary tolyqtai aiaqtalǵan. Jol ýchaskesinde tehnikanyń 50 birligi men 100-ge jýyq adam jumys isteýde.
«MAEK – QazatomÓnerkásip» JShS sý jinaǵyshynan «Quryq» teńiz portyna deiingi avtomobil jolyn qaita jańartý jobasynyń 3-shi kezeńi aiasyndaǵy nysandar biyl paidalanýǵa beriledi.
Budan bólek, kelesi jyly jobanyń 2-shi jáne 5-shi kezeńi aiasyndaǵy jumystar júrgiziledi dep josparlanýda. Jol óńirdegi kýrorttyq aimaqtyń iri nysandary ornalasqan Kaspii kóliniń jaǵasynyń boiymen ótedi. Qaita jańartý jumystarynan ótken jol óńirdiń týristik áleýetiniń artýyna, onyń ekonomikalyq turǵyda damýyna serpin bermek.
