جوبانىڭ العاشقى كەزەڭٸندە جولدىڭ 15,6 شاقىرىمىندا اسفالت تٶسەمٸنٸڭ نەگٸزگٸ جەنە تٶمەنگٸ قاباتتارى تٶسەلدٸ. جالپى ۇزىندىعى 27 شاقىرىمدى قۇرايتىن جول ۋچاسكەسٸ 4 جولاقتى بولماق. سونداي-اق, اتالمىش نىساندا جاياۋ جٷرگٸنشٸلەر ٶتپەلٸ مەن ۆەلوجولدار سالىنىپ, جارىقتاندىرۋ باعاندارى ورناتىلۋدا. ۋچاسكەدەگٸ جۇمىستارعا تەحنيكانىڭ 80 بٸرلٸگٸ مەن 200-گە تارتا جۇمىسشى جۇمىلدىرىلعان. قايتا جاڭارتۋ جۇمىستارى مەن قۇرىلىس ماتەريالدارىنىڭ ساپاسىن «جول اكتيۆتەرٸ ساپاسىنىڭ ۇلتتىق ورتالىعى» ساراپتامادان ٶتكٸزۋدە. مەردٸگەر – «اقجول قۇرىلىس». بۇدان بٶلەك, كومپانييا سۋ تٶگەتٸن «شورا» ارناسى ارقىلى ٶتەتٸن ۇزىندىعى 70 مەتردەن اساتىن كٶپٸردٸ سالىپ جاتىر.
سونىمەن قاتار, جولشىلار جوبانىڭ 4-شٸ كەزەڭٸ اسياىنداعى جۇمىستاردى بەلسەندٸ تٷردە جٷرگٸزۋدە. ۇزىندىعى 4,6 شاقىرىمدى قۇرايتىن ٶمٸرزاق ەلدٸ مەكەنٸنەن اقتاۋ قالاسىنداعى جاعاجايعا دەيٸنگٸ 4 جولاقتى اۆتوموبيل جولىن «التىنقۇرىق» جشس سالۋدا. بٷگٸنگٸ تاڭدا نىساننىڭ 4,2 شاقىرىمىندا جولدىڭ نەگٸزگٸ تٶمەنگٸ قاباتتارىن تٶسەۋ جۇمىستارى تولىقتاي اياقتالعان. جول ۋچاسكەسٸندە تەحنيكانىڭ 50 بٸرلٸگٸ مەن 100-گە جۋىق ادام جۇمىس ٸستەۋدە.
«ماەك – قازاتومٶنەركەسٸپ» جشس سۋ جيناعىشىنان «قۇرىق» تەڭٸز پورتىنا دەيٸنگٸ اۆتوموبيل جولىن قايتا جاڭارتۋ جوباسىنىڭ 3-شٸ كەزەڭٸ اياسىنداعى نىساندار بيىل پايدالانۋعا بەرٸلەدٸ.
بۇدان بٶلەك, كەلەسٸ جىلى جوبانىڭ 2-شٸ جەنە 5-شٸ كەزەڭٸ اياسىنداعى جۇمىستار جٷرگٸزٸلەدٸ دەپ جوسپارلانۋدا. جول ٶڭٸردەگٸ كۋرورتتىق ايماقتىڭ ٸرٸ نىساندارى ورنالاسقان كاسپيي كٶلٸنٸڭ جاعاسىنىڭ بويىمەن ٶتەدٸ. قايتا جاڭارتۋ جۇمىستارىنان ٶتكەن جول ٶڭٸردٸڭ تۋريستٸك ەلەۋەتٸنٸڭ ارتۋىنا, ونىڭ ەكونوميكالىق تۇرعىدا دامۋىنا سەرپٸن بەرمەك.
