Qazaqstandyq Binance paidalanýshylary qarajatty salý jáne sheship alýda problemalarǵa tap kelgenderin aitýda, dep habarlaidy Dalanews.kz.
Binance kriptovaliýta birjasynyń qazaqstandyq birqatar klientteri kripto-ámiiandardan banktik kartalarǵa aqsha aýdara da, ondaǵy qarajatty sheshe de almai qalǵan, dep habarlaidy Inbussiness óz derekkózderine silteme jasap.
Paidalanýshylardyń pikirinshe, tranzaktsiialar elimizdiń kem degende bes iri bankinde jasalmaýda, al qoldaý qyzmetteri ártúrli túsiniktemeler berýde. Tipti, jeke tulǵalarǵa kriptovaliýta operatsiialaryna tyiym salynǵanyn da aitqan.
Al keibir jaǵdailarda aqsha aýdarý kezinde júie kartany tólem úshin paidalaný múmkin emes ekenin habarlap, bankke habarlasýdy nemese basqa kartany paidalanýdy usynǵan.
Bankterdiń birinde "Tsifrlyq aktivter týraly" QR Zańyna silteme jasai otyryp, qamtamasyz etilgen tsifrlyq aktivtermen operatsiialar tek JK men zańdy tulǵalarǵa ǵana ruqsat etilgenin aitypty. Alaida, Binance Kazakhstan atalǵan oqiǵanyń zańnamalyq shekteýlermen nemese memlekettik organdardyń áreketterimen bailanysyn joqqa shyǵarady.
Platforma ókili QazPost jáne Freedom Bank arqyly qarajat alý kezinde buryn tehnikalyq problemalar baiqalǵanyn, olar qazirdiń ózinde joiylǵanyn jáne operatsiialar qoljetimdi ekenin jetkizdi:
"Tsifrlyq aktivter týraly" Zańǵa sáikes, qamtamasyz etilmegen tsifrlyq aktivterdi shyǵarýǵa jáne olardyń ainalymyna, sondai-aq olarmen birjalardyń jumysyna AHQO-dan tys jerlerde tyiym salynady. Degenmen jeke tulǵalarǵa kriptovaliýtany ielenýge tyiym salynbaǵan, al Binance Kazakhstan AHQO-da tirkelgen jáne onyń quqyqtyq rejimi sheńberinde jumys isteidi".
Degenmen, material jariialanǵan ýaqytta da banktik kartalar arqyly qarajat salý jáne ony shyǵaryp alý máselesi sol kúiinde ózektiligin joimaǵan.
Buǵan deiin saitymyzda Qarjy monitoringi agenttigi qazaqstandyqtardyń tárkilengen aktivterin saqtaýǵa arnalǵan kriptoámiian ashqanyn jazǵanbyz. Sondai-aq búgin AQSh-tyń qyrǵyz kriptobirjasyna sanktsiia salǵany belgili boldy.
