Májilis depýtaty Maqsat Tolyqbai jol qurylysyna bólingen milliardtaǵan teńgeniń talan-tarajǵa túskeni týraly málimdep, Bas prokýratýra, Qarjylyq monitoring agentti, dep habarlaidy dalanews.kz.
Depýtattyń aitýynsha, Qyzylorda, Aqtóbe jáne Aqmola oblystaryndaǵy jol qurylysy jobalaryna bólingen qarajattyń bir bóligi maqsatsyz jumsalǵan. Onyń málimetinshe, tenderdi utyp alǵan «Dorstroi» JShS-niń shotyna túsken qarjy zańsyz sheshilip, kompaniia keiin bankrot dep jariialanǵan.
Maqsat Tolyqbaidyń sózinshe, kompaniianyń alǵashqy quryltaishysy Muratbek Tleýliev ózin jábirlenýshi retinde tanystyryp, kásipker Doshan Júnisovtiń senimge kirip, kompaniia úlesiniń basym bóligin óz baqylaýyna alǵanyn aitqan. Sondai-aq jalǵan mórler arqyly zańsyz direktorlar taǵaiyndalyp, qarjy aktivteri syrtqa shyǵarylǵany jóninde shaǵym túsirilgen.
Depýtat jariialaǵan málimetke sáikes, jol qurylysyna baǵyttalýy tiis 14 mln teńge jeke esepshotqa aýdarylǵan. Budan bólek, 172,2 mln teńge jeke bank kartasyna, 374,5 mln teńge «Synaq» JShS-ne, 386 mln teńge «Daryn Invest» kompaniiasyna jiberilgen. Onyń aitýynsha, osyǵan uqsas shema «Sapaq» óndiristik kooperativinde de qaitalanyp, biýdjetten bólingen 68,5 mln teńge jymqyrylǵan.
«Qazirgi tsifrlyq zamanda memleket qarjysynyń qaida ketkenin anyqtaýǵa bir saǵat ýaqyt jetkilikti. Biraq Qyzylordadaǵy tergeýshilerdiń áreketsizdigi túsiniksiz. Politsiiaǵa 18 aryz joldanǵanymen, tolyqqandy tergeý júrgizilmei otyr», – dedi depýtat.
Osyǵan bailanysty Maqsat Tolyqbai quqyq qorǵaý organdarynan qarjy qozǵalysyn tolyq tekserip, qatysy bar barlyq tulǵalardy jaýapkershilikke tartýdy, sondai-aq istiń sozbalańǵa salynýyna jol bergen qyzmetkerlerge baǵa berýdi talap etti.
