قازاقستاندىق Binance پايدالانۋشىلارى قاراجاتتى سالۋ جەنە شەشٸپ الۋدا پروبلەمالارعا تاپ كەلگەندەرٸن ايتۋدا, دەپ حابارلايدى Dalanews.kz.
Binance كريپتوۆاليۋتا بيرجاسىنىڭ قازاقستاندىق بٸرقاتار كليەنتتەرٸ كريپتو-ەمييانداردان بانكتٸك كارتالارعا اقشا اۋدارا دا, ونداعى قاراجاتتى شەشە دە الماي قالعان, دەپ حابارلايدى Inbussiness ٶز دەرەككٶزدەرٸنە سٸلتەمە جاساپ.
پايدالانۋشىلاردىڭ پٸكٸرٸنشە, ترانزاكتسييالار ەلٸمٸزدٸڭ كەم دەگەندە بەس ٸرٸ بانكٸندە جاسالماۋدا, ال قولداۋ قىزمەتتەرٸ ەرتٷرلٸ تٷسٸنٸكتەمەلەر بەرۋدە. تٸپتٸ, جەكە تۇلعالارعا كريپتوۆاليۋتا وپەراتسييالارىنا تىيىم سالىنعانىن دا ايتقان.
ال كەيبٸر جاعدايلاردا اقشا اۋدارۋ كەزٸندە جٷيە كارتانى تٶلەم ٷشٸن پايدالانۋ مٷمكٸن ەمەس ەكەنٸن حابارلاپ, بانككە حابارلاسۋدى نەمەسە باسقا كارتانى پايدالانۋدى ۇسىنعان.
بانكتەردٸڭ بٸرٸندە "تسيفرلىق اكتيۆتەر تۋرالى" قر زاڭىنا سٸلتەمە جاساي وتىرىپ, قامتاماسىز ەتٸلگەن تسيفرلىق اكتيۆتەرمەن وپەراتسييالار تەك جك مەن زاڭدى تۇلعالارعا عانا رۇقسات ەتٸلگەنٸن ايتىپتى. الايدا, Binance Kazakhstan اتالعان وقيعانىڭ زاڭنامالىق شەكتەۋلەرمەن نەمەسە مەملەكەتتٸك ورگانداردىڭ ەرەكەتتەرٸمەن بايلانىسىن جوققا شىعارادى.
پلاتفورما ٶكٸلٸ QazPost جەنە Freedom Bank ارقىلى قاراجات الۋ كەزٸندە بۇرىن تەحنيكالىق پروبلەمالار بايقالعانىن, ولار قازٸردٸڭ ٶزٸندە جويىلعانىن جەنە وپەراتسييالار قولجەتٸمدٸ ەكەنٸن جەتكٸزدٸ:
"تسيفرلىق اكتيۆتەر تۋرالى" زاڭعا سەيكەس, قامتاماسىز ەتٸلمەگەن تسيفرلىق اكتيۆتەردٸ شىعارۋعا جەنە ولاردىڭ اينالىمىنا, سونداي-اق ولارمەن بيرجالاردىڭ جۇمىسىنا احقو-دان تىس جەرلەردە تىيىم سالىنادى. دەگەنمەن جەكە تۇلعالارعا كريپتوۆاليۋتانى يەلەنۋگە تىيىم سالىنباعان, ال Binance Kazakhstan احقو-دا تٸركەلگەن جەنە ونىڭ قۇقىقتىق رەجيمٸ شەڭبەرٸندە جۇمىس ٸستەيدٸ".
دەگەنمەن, ماتەريال جارييالانعان ۋاقىتتا دا بانكتٸك كارتالار ارقىلى قاراجات سالۋ جەنە ونى شىعارىپ الۋ مەسەلەسٸ سول كٷيٸندە ٶزەكتٸلٸگٸن جويماعان.
بۇعان دەيٸن سايتىمىزدا قارجى مونيتورينگٸ اگەنتتٸگٸ قازاقستاندىقتاردىڭ تەركٸلەنگەن اكتيۆتەرٸن ساقتاۋعا ارنالعان كريپتوەمييان اشقانىن جازعانبىز. سونداي-اق بٷگٸن اقش-تىڭ قىرعىز كريپتوبيرجاسىنا سانكتسييا سالعانى بەلگٸلٸ بولدى.
