اقتٶبە وبلىسىنداعى قاندىاعاش قالاسىندا ٶتكەن تويدان كەيٸن جاپپاي ۋلانۋ دەرەگٸ بويىنشا قىلمىستىق ٸس قوزعالدى, دەپ حابارلايدى dalanews.kz.
وبلىستىق پوليتسييا دەپارتامەنتٸنٸڭ مەلٸمەتٸنشە, وقيعاعا بايلانىستى قىلمىستىق كودەكستٸڭ 304-بابى («سانيتارييالىق قاعيدالاردى نەمەسە گيگيەنالىق نورماتيۆتەردٸ بۇزۋ») بويىنشا سوتقا دەيٸنگٸ تەرگەۋ باستالدى. تەرگەۋ بارىسىندا بولعان جاعدايدىڭ بارلىق مەن-جايى انىقتالادى.
«دياپازون» باسىلىمىنىڭ جازۋىنشا, 19 ماۋسىمدا «تۋمار» مەيرامحاناسىندا ٶتكەن تويعا قاتىسقان قوناقتاردىڭ 102-سٸ, ونىڭ ٸشٸندە 14 بالا ٸشەك ينفەكتسيياسىنىڭ بەلگٸلەرٸمەن اۋرۋحاناعا تٷسكەن. ناۋقاستاردىڭ دەنە قىزۋى كٶتەرٸلٸپ, قۇسۋ مەن ٸش ٶتۋ بەلگٸلەرٸنە شاعىمدانعان.
بۇعان دەيٸن دەنساۋلىق ساقتاۋ باسقارماسى 34 ادامنان سالمونەللەزگە كٷدٸك انىقتالعانىن حابارلاعان ەدٸ. قاجەتتٸ باكتەريولوگييالىق زەرتتەۋلەر ٷشٸن سىنامالار الىنىپ, سانيتارييالىق-ەپيدەميولوگييالىق باقىلاۋ دەپارتامەنتٸنە شۇعىل حابارلامالار جولدانعان.
ناۋقاستاردىڭ جاعدايى ورتاشا اۋىر دەپ باعالانىپ وتىر. مۇعالجار اۋدانىنا قوسىمشا مەديتسينالىق بريگادالار جٸبەرٸلٸپ, جەدەل شتاب قۇرىلعان, تٶسەك-ورىن مەن دەرٸ-دەرمەك قورى دايىندالعان.
سونىمەن قاتار, سانيتارييالىق دەرٸگەرلەر ەپيدەميولوگييالىق تەكسەرۋ جٷرگٸزٸپ جاتىر. تاعام ٶنٸمدەرٸنەن الىنعان سىنامالار زەرتحاناعا جٸبەرٸلگەن. ال «تۋمار» مەيرامحاناسىنىڭ قىزمەتٸ ۋاقىتشا توقتاتىلدى.
