Aqtóbe oblysyndaǵy Qandyaǵash qalasynda ótken toidan keiin jappai ýlaný deregi boiynsha qylmystyq is qozǵaldy, dep habarlaidy dalanews.kz.
Oblystyq politsiia departamentiniń málimetinshe, oqiǵaǵa bailanysty Qylmystyq kodekstiń 304-baby («Sanitariialyq qaǵidalardy nemese gigienalyq normativterdi buzý») boiynsha sotqa deiingi tergeý bastaldy. Tergeý barysynda bolǵan jaǵdaidyń barlyq mán-jaiy anyqtalady.
«Diapazon» basylymynyń jazýynsha, 19 maýsymda «Týmar» meiramhanasynda ótken toiǵa qatysqan qonaqtardyń 102-si, onyń ishinde 14 bala ishek infektsiiasynyń belgilerimen aýrýhanaǵa túsken. Naýqastardyń dene qyzýy kóterilip, qusý men ish ótý belgilerine shaǵymdanǵan.
Buǵan deiin densaýlyq saqtaý basqarmasy 34 adamnan salmonellezge kúdik anyqtalǵanyn habarlaǵan edi. Qajetti bakteriologiialyq zertteýler úshin synamalar alynyp, sanitariialyq-epidemiologiialyq baqylaý departamentine shuǵyl habarlamalar joldanǵan.
Naýqastardyń jaǵdaiy ortasha aýyr dep baǵalanyp otyr. Muǵaljar aýdanyna qosymsha meditsinalyq brigadalar jiberilip, jedel shtab qurylǵan, tósek-oryn men dári-dármek qory daiyndalǵan.
Sonymen qatar, sanitariialyq dárigerler epidemiologiialyq tekserý júrgizip jatyr. Taǵam ónimderinen alynǵan synamalar zerthanaǵa jiberilgen. Al «Týmar» meiramhanasynyń qyzmeti ýaqytsha toqtatyldy.
