قازاقستاندىقتاردىڭ باسىم بٶلٸگٸ نەسيە نەمەسە قارىز تٶلەپ جٷر. بۇل تۋرالى DEMOSCOPE قوعامدىق پٸكٸرگە جەدەل مونيتورينگ جٷرگٸزۋ بيۋروسى جٷرگٸزگەن ساۋالناما نەتيجەسٸندە بەلگٸلٸ بولدى, دەپ حابارلايدى dalanews.kz.
زەرتتەۋ دەرەكتەرٸنە سەيكەس, ساۋالناماعا قاتىسقانداردىڭ 72,7 پايىزىنىڭ قازٸرگٸ ۋاقىتتا نەسيەسٸ نەمەسە قارىزى بار. ونىڭ ٸشٸندە 39,7 پايىزىنىڭ بٸر عانا نەسيەسٸ بولسا, 33 پايىزى بٸرنەشە نەسيە تٶلەپ وتىرعانىن ايتقان. ال رەسپوندەنتتەردٸڭ 27 پايىزى ەشقانداي نەسيە مٸندەتتەمەسٸ جوق ەكەنٸن مەلٸمدەگەن.
ساۋالناما نەتيجەسٸ بويىنشا ەڭ كٶپ تارالعان قارىز تٷرٸ – تۇتىنۋشىلىق نەسيە. قاتىسۋشىلاردىڭ 70,4 پايىزى دەل وسى نەسيە تٷرٸن پايدالاناتىنىن كٶرسەتكەن. سونداي-اق ازاماتتاردىڭ 22,1 پايىزى تۋىستارى, دوستارى نەمەسە تانىستارىنان قارىز العانىن ايتسا, 14,4 پايىزى اۆتونەسيە تٶلەپ جٷرگەنٸن, 13 پايىزى يپوتەكاسى بار ەكەنٸن جەتكٸزگەن.
زەرتتەۋ قارىز جٷكتەمەسٸنٸڭ وتباسىلىق بيۋدجەتكە ايتارلىقتاي ەسەر ەتەتٸنٸن دە كٶرسەتتٸ. قارىز الۋشىلاردىڭ 46,7 پايىزى اي سايىنعى تابىسىنىڭ جارتىسىنان كٶبٸن نەسيە تٶلەۋگە جۇمسايدى. ال 24,5 پايىزى تابىسىنىڭ تٶرتتەن بٸرٸنەن جارتىسىنا دەيٸنگٸ بٶلٸگٸن نەسيەلەرٸن جابۋعا باعىتتايدى. رەسپوندەنتتەردٸڭ 20,3 پايىزى تابىسىنىڭ تٶرتتەن بٸر بٶلٸگٸن قارىز تٶلەمدەرٸنە جۇمسايتىنىن ايتقان.
ساۋالناماعا قاتىسقان 60 جاستان اسقان ازاماتتاردىڭ ەر ٷشٸنشٸسٸنٸڭ نەسيەسٸ نەمەسە قارىزى بار ەكەنٸ انىقتالعان. بۇل كٶرسەتكٸش 32,8 پايىزدى قۇرايدى.
ايتا كەتەيٸك, زەرتتەۋ 2026 جىلعى 10-23 مامىر ارالىعىندا جٷرگٸزٸلگەن. ساراپشىلاردىڭ پٸكٸرٸنشە, الىنعان مەلٸمەتتەر ەلدەگٸ حالىقتىڭ نەسيەگە تەۋەلدٸلٸگٸ جوعارى دەڭگەيدە ەكەنٸن كٶرسەتەدٸ.
