QR Parlamenti Májilisi «Qazaqstan Respýblikasynyń keibir zańnamalyq aktilerine oiyn biznesi, lotereia jáne lotereia qyzmeti máseleleri boiynsha ózgerister men tolyqtyrýlar engizý týraly» zań jobasyn ekinshi oqylymda maquldaǵany belgili.
Atalǵan zań jobasyn qaraý barysnyda «Oiyn biznesi týraly» zańyna da birqatar ózgerister men tolyqtyrýlar engizilgen-di. Nátijesinde ekinshi oqylym qarsańynda qujatta buryn tarifterdi esepke alý ortalyǵy dep atalatyn Biryńǵai esep júiesi (BEJ) týraly ereje paida boldy. Májilis depýttary engizgen bul túzetýler naryqty retteýshi QR Ulttyq Bankimen jáne tólem uiymdary naryǵynyń ókilderimen talqylanyp, sala mamandarynyń keńesine qulaq aspaǵan. Jalpy, tarifterdi esepke alý ortalyǵy eshqandai aýyrtpalyq kórsetkpen bolatyn.
Sonymen qatar salany retteý isine qajetti taldaý júrgizilmegen, budan zańdy qaraý men qabyldaý tártibin óreskel buzylǵanyn baiqaýǵa bolady.
– Bul normanyń negizgi maqsaty – jylyna 1,2 trillion teńge turatyn tólemder, elektrondy aqshalar jáne ámiiandar naryǵynyń bir bóligin baqylaýǵa alatyn jeke deldaldyq monopolist qurýdy kózdeidi, – dep túsindirdi Tólem uiymdary qaýymdastyǵynyń basshysy Tólegen Tynyshtybaev myrza.
Qazirgi tańda atalǵan naryqqa birneshe ondaǵan tólem uiymdary men bankter, tólem terminaldaryn óndirýshiler men olardyń agentteri qyzmet kórsetip, ondaǵan myń jumys ornyn qamtamasyz etip keledi. Endi osy júiege qaýip tónip tur.
Sala mamandary ýákiletti memlekettik organdardyń naryqty retteýge qajetti ókilettikteri men quraldary qazirdiń ózinde bar ekenin alǵa tartýda. Bul mindet Ulttyq bankke, Qarjy monitoringi agenttigine jáne Memlekettik kirister komitetine júktelse, ákimshilendirý avtomattandyrylǵan onlain rejiminde júzege asyrylǵan. Iaǵni, júie saǵat sekildi toqtaýsyz jumys istep tur. Jańa normany engizýdiń basty maqsaty – jeke monopoliialyq kompaniianyń fýnktsiialaryn monopoliialaý bolyp tabylady.
Jańa normaǵa sáikes salaǵa qyzmet kórsetetin jeke deldaldyq monopolistiń jumysyn retteý Týrizm jáne sport ministrliginiń zań aktilerimen rettelýi múmkin. Ókinishke qarai, ekinshi oqylymda aitylǵan bul másele elimizdiń qarjy júiesiniń negizgi rettýshisi Ulttyq bankke múlde habarlanbaǵan.
Tólem uiymdarynyń qaýymdastyǵy men naryqtyń basqa da sýbektileri Senat depýtattaryna normany qabyldaý rásimderiniń óreskel buzylǵanyn, salany retteitin Ulttyq banktyń tiisti taldaýynyń joqtyǵy jáne monopoliiaǵa qarsy organdardyń qorytyndysy joq ekenin alǵa tartyp, bul máseleni naryqtaǵy eńbek etip júrgen sarapshylarmen birlesip talqylaýdyń qajet ekenin alǵa tartyp, 5 myńnan astam saýal joldady.
Osylaisha kásipkerler Senat depýttarynan jobany úshinshi oqylymda qabyldamai, talqylaýdyń barlyq tártibin saqtap, shiki zańdy Májiliske qaitarýdy surap otyr.
Qazaqstandaǵy jetekshi tólem uiymdarynyń ókilderi buǵan deiin baspasóz máslihatyn ótkizip, onda Biryńǵai esep júiesi sekildi monopolist qurý Memleket basshysy Qasym-Jomart Toqaevtyń memlekettik apparat pen ekonomikany qaita jandandyrý jónindegi saiasatyna qaishy keletinin aityp, málimdeme jasaǵan bolatyn. Taǵy bir monopolist uiymnyń qurylýy elimizdiń ushpaqqa shyǵarmaityny anyq. Buǵan Senat depýtattary tosqaýyl qoiýy kerek!
