ق ر پارلامەنتى ءماجىلىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ويىن بيزنەسى، لوتەرەيا جانە لوتەرەيا قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا ماقۇلداعانى بەلگىلى.
اتالعان زاڭ جوباسىن قاراۋ بارىسنىدا «ويىن بيزنەسى تۋرالى» زاڭىنا دا ءبىرقاتار وزگەرىستەر مەن تولىقتىرۋلار ەنگىزىلگەن-دى. ناتيجەسىندە ەكىنشى وقىلىم قارساڭىندا قۇجاتتا بۇرىن تاريفتەردى ەسەپكە الۋ ورتالىعى دەپ اتالاتىن ءبىرىڭعاي ەسەپ جۇيەسى (بەج) تۋرالى ەرەجە پايدا بولدى. ءماجىلىس دەپۋتتارى ەنگىزگەن بۇل تۇزەتۋلەر نارىقتى رەتتەۋشى ق ر ۇلتتىق بانكىمەن جانە تولەم ۇيىمدارى نارىعىنىڭ وكىلدەرىمەن تالقىلانىپ، سالا ماماندارىنىڭ كەڭەسىنە قۇلاق اسپاعان. جالپى، تاريفتەردى ەسەپكە الۋ ورتالىعى ەشقانداي اۋىرتپالىق كورسەتكپەن بولاتىن.
سونىمەن قاتار سالانى رەتتەۋ ىسىنە قاجەتتى تالداۋ جۇرگىزىلمەگەن، بۇدان زاڭدى قاراۋ مەن قابىلداۋ ءتارتىبىن ورەسكەل بۇزىلعانىن بايقاۋعا بولادى.
– بۇل نورمانىڭ نەگىزگى ماقساتى – جىلىنا 1،2 تريلليون تەڭگە تۇراتىن تولەمدەر، ەلەكتروندى اقشالار جانە ءامياندار نارىعىنىڭ ءبىر بولىگىن باقىلاۋعا الاتىن جەكە دەلدالدىق مونوپوليست قۇرۋدى كوزدەيدى، – دەپ ءتۇسىندىردى تولەم ۇيىمدارى قاۋىمداستىعىنىڭ باسشىسى تولەگەن تىنىشتىبايەۆ مىرزا.
قازىرگى تاڭدا اتالعان نارىققا بىرنەشە ونداعان تولەم ۇيىمدارى مەن بانكتەر، تولەم تەرمينالدارىن وندىرۋشىلەر مەن ولاردىڭ اگەنتتەرى قىزمەت كورسەتىپ، ونداعان مىڭ جۇمىس ورنىن قامتاماسىز ەتىپ كەلەدى. ەندى وسى جۇيەگە ءقاۋىپ ءتونىپ تۇر.
سالا ماماندارى ۋاكىلەتتى مەملەكەتتىك ورگانداردىڭ نارىقتى رەتتەۋگە قاجەتتى وكىلەتتىكتەرى مەن قۇرالدارى ءقازىردىڭ وزىندە بار ەكەنىن العا تارتۋدا. بۇل مىندەت ۇلتتىق بانككە، قارجى مونيتورينگى اگەنتتىگىنە جانە مەملەكەتتىك كىرىستەر كوميتەتىنە جۇكتەلسە، اكىمشىلەندىرۋ اۆتوماتتاندىرىلعان ونلاين رەجيمىندە جۇزەگە اسىرىلعان. ياعني، جۇيە ساعات سەكىلدى توقتاۋسىز جۇمىس ىستەپ تۇر. جاڭا نورمانى ەنگىزۋدىڭ باستى ماقساتى – جەكە مونوپوليالىق كومپانيانىڭ فۋنكسيالارىن مونوپوليالاۋ بولىپ تابىلادى.
جاڭا نورماعا سايكەس سالاعا قىزمەت كورسەتەتىن جەكە دەلدالدىق ءمونوپوليستىڭ جۇمىسىن رەتتەۋ تۋريزم جانە سپورت مينيسترلىگىنىڭ زاڭ اكتىلەرىمەن رەتتەلۋى مۇمكىن. وكىنىشكە قاراي، ەكىنشى وقىلىمدا ايتىلعان بۇل ماسەلە ەلىمىزدىڭ قارجى جۇيەسىنىڭ نەگىزگى رەتتۋشىسى ۇلتتىق بانككە مۇلدە حابارلانباعان.
تولەم ۇيىمدارىنىڭ قاۋىمداستىعى مەن نارىقتىڭ باسقا دا سۋبەكتىلەرى سەنات دەپۋتاتتارىنا نورمانى قابىلداۋ راسىمدەرىنىڭ ورەسكەل بۇزىلعانىن، سالانى رەتتەيتىن ۇلتتىق بانكتىڭ ءتيىستى تالداۋىنىڭ جوقتىعى جانە مونوپولياعا قارسى ورگانداردىڭ قورىتىندىسى جوق ەكەنىن العا تارتىپ، بۇل ماسەلەنى نارىقتاعى ەڭبەك ەتىپ جۇرگەن ساراپشىلارمەن بىرلەسىپ تالقىلاۋدىڭ قاجەت ەكەنىن العا تارتىپ، 5 مىڭنان استام ساۋال جولدادى.
وسىلايشا كاسىپكەرلەر سەنات دەپۋتتارىنان جوبانى ءۇشىنشى وقىلىمدا قابىلداماي، تالقىلاۋدىڭ بارلىق ءتارتىبىن ساقتاپ، شيكى زاڭدى ماجىلىسكە قايتارۋدى سۇراپ وتىر.
قازاقستانداعى جەتەكشى تولەم ۇيىمدارىنىڭ وكىلدەرى بۇعان دەيىن باسپا ءسوز ءماسليحاتىن وتكىزىپ، وندا ءبىرىڭعاي ەسەپ جۇيەسى سەكىلدى مونوپوليست قۇرۋ مەملەكەت باسشىسى قاسىم-جومارت توقايەۆتىڭ مەملەكەتتىك اپپارات پەن ەكونوميكانى قايتا جانداندىرۋ جونىندەگى ساياساتىنا قايشى كەلەتىنىن ايتىپ، مالىمدەمە جاساعان بولاتىن. تاعى ءبىر مونوپوليست ۇيىمنىڭ قۇرىلۋى ەلىمىزدىڭ ۇشپاققا شىعارمايتىنى انىق. بۇعان سەنات دەپۋتاتتارى توسقاۋىل قويۋى كەرەك!
