بٷگٸندە الماتىداعى جاڭا تۇرعىن ٷيلەردٸڭ بٸر شارشى مەترٸنٸڭ ورتاشا باعاسى 750–850 مىڭ تەڭگە. مۇنداي باعانىڭ قالاي قالىپتاساتىنىن Qazaq Expert Club قۇرىلىس سالاسىنىڭ ساراپشىسى ديليارا سەيتنۋروۆا تٷسٸندٸرەدٸ, دەپ حابارلايدى Dalanews.kz.
ساراپشىنىڭ سٶزٸنشە, كٶبٸنە جوعارى باعانى “قۇرىلىس سالۋشىلاردىڭ اشكٶزدٸگٸمەن” بايلانىستىرادى. الايدا ٸس جٷزٸندە شامامەن 800 مىڭ تەڭگەنٸ بٸر شارشى مەترگە بٶلٸپ قاراساق, قاراجاتتىڭ قايدا جۇمسالاتىنى ايقىن كٶرٸنەدٸ.
ەڭ ٷلكەن شىعىن قۇرىلىس جۇمىستارى, 1 م² ٷشٸن 320–380 مىڭ تەڭگەدەي جۇمسالادى. ونىڭ ٸشٸندە شامامەن 165 مىڭ تەڭگە قۇرىلىس ماتەريالدارىنا (بەتون, ارماتۋرا, كٸرپٸش), 75 مىڭ تەڭگە جالاقىعا, تاعى 30–35 مىڭ تەڭگە سەيسميكالىق كٷشەيتۋگە جۇمسالادى.
ەكٸنشٸ ماڭىزدى شىعىن – جەر تەلٸمٸ. ونىڭ قۇنى 1 م² ٷشٸن 160–180 مىڭ تەڭگە شاماسىندا. قالانىڭ جوعارعى بٶلٸگٸندە جەنە “التىن كۆادراتتا” جەردٸڭ ٷلەسٸ جالپى قۇننىڭ 25%-ىنا دەيٸن جەتەدٸ.
دەل وسى قۇرىلىس پەن جەردٸڭ قۇنى قالاداعى باعا ايىرماشىلىعىن قالىپتاستىرادى. ماتەريال مەن جەر تەلٸمٸ قىمباتتاعان سايىن, تٷپكٸ باعا دا ٶسەدٸ.
مىسالى, الاتاۋ نەمەسە ناۋرىزباي اۋداندارىنداعى ەكونوم-كلاسس تۇرعىن ٷيلەردٸڭ باعاسى 1 م² ٷشٸن 480–550 مىڭ تەڭگە بولسا, كومفورت-كلاسس – 650–780 مىڭ تەڭگە ارالىعىندا. ابىلاي حان داڭعىلىنان جوعارى ورنالاسقان اۋدانداردا كومفورت جەنە بيزنەس-كلاسس جاڭا ٷيلەردٸڭ باعاسى 800 مىڭ تەڭگەدەن باستالىپ, 1,5 ملن تەڭگەگە دەيٸن جەتەدٸ. ال مەدەۋ اۋدانىنداعى ەليتالىق تۇرعىن ٷيلەردٸڭ باعاسى بٸر شارشى مەتر ٷشٸن 1,5 ملن تەڭگەدەن باستالادى.
تۇرعىن ٷي باعاسىنا قوسىلعان قۇن سالىعىنىڭ 12%-دان 16%-عا دەيٸن ٶسۋٸ دە ەلەۋلٸ ەسەر ەتٸپ جاتىر. قازٸرگٸ تاڭدا سالىق جٷكتەمەسٸ 1 م² ٷشٸن 144–160 مىڭ تەڭگە, بۇل جالپى قۇننىڭ شامامەن 20%-ى.
سونىمەن قاتار قۇرىلىس سالۋشىنىڭ وپەراتسييالىق شىعىندارىن دا ەسكەرۋ قاجەت. مىسالى, ساتۋ كەڭسەلەرٸن ۇستاۋ, ماركەتينگ پەن جارناماعا 1 م² ٷشٸن 56–80 مىڭ تەڭگە جۇمسالادى. بۇعان قوسا, قۇرىلىسقا الىنعان نەسيەلەر بويىنشا پايىزدىق تٶلەمدەرگە 40–64 مىڭ تەڭگە كەتەدٸ.
نەتيجەسٸندە قۇرىلىس سالۋشىنىڭ تازا پايداسى 1 م² ٷشٸن شامامەن 50–70 مىڭ تەڭگەنٸ قۇرايدى – بۇل جالپى قۇننىڭ 6–8%-ى عانا. تەۋەكەلدەردٸ ەسكەرسەك, بۇل ايتارلىقتاي جوعارى مارجا ەمەس.
"قورىتىندىلاي كەلە, قازٸرگٸ باعالار شەكتٸ دەڭگەي ەمەس. اتاپ ايتقاندا, جاڭا تۇرعىن كەشەندەردٸڭ جانىنان مەكتەپتەر مەن بالاباقشالار سالۋعا قۇرىلىس سالۋشىلاردان مٸندەتتٸ جارنا ەنگٸزۋ مەسەلەسٸ تالقىلانىپ جاتىر. بۇل ەر شارشى مەتردٸڭ ٶزٸندٸك قۇنىنا قوسىمشا 15–20 مىڭ تەڭگە قوسۋى مٷمكٸن", – دەيدٸ ساراپشى.
