Jetisýda búgin oblysy ákimi Beibit Isabaevtyń qatysýymen kásibi merekeleri qarsańynda meditsina qyzmetkerlerine qurmet kórsetildi. Saltanatty is-shara aiasynda úzdik 30-ǵa jýyq meditsina qyzmetkerine vedomstvolyq nagradalar, qurmet gramotalary men oblys ákiminiń alǵys hattary tabys etildi, – dep habarlaidy, – dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Mereke ielerine otandyq meditsinanyń damýyna qosqan zor eńbegi men eleýli úlesi úshin izgi tilegin bildirgen Beibit Isabaev densaýlyq saqtaý júiesiniń damý deńgeiine jáne qyzmet kórsetý sapasyna tikelei áser etetin negizgi mindetterge, iaǵni infraqurylymdy damytýǵa, meditsinalyq mekemelerdi zamanaýi jabdyqtarmen qamtamasyz etý isine egjei-tegjeili toqtalyp, mamandardy qoldaý sharalaryn atap ótti.
Máselen, oblysta alǵash ret asa tapshy mamandarǵa birjolǵy materialdyq kómek kórsetiledi. Aýyldyq jerlerge jumysqa kelgen mamandar 10 mln. teńgeden, al qalalyq meditsinalyq mekemelerge kelgender 5 mln. teńgeden alady. Bul biylǵy jyldyń 1 qańtarynan engizilip otyr.
Meditsinalyq uiymdardyń materialdyq-tehnikalyq bazasyn nyǵaitý úshin sońǵy eki jylda jergilikti biýdjetten 5 mlrd. teńge bólindi. Sonyń arqasynda meditsinalyq uiymdardy qajetti zamanaýi quraldarmen jabdyqtaý deńgeii 93%-ǵa deiin jetken.
– Densaýlyq saqtaý salasyna bólingen qarjy biyl 92,3 mlrd teńgege jetip otyr. Jańa nysandar tek oblys, aýdan ortalyqtarynda ǵana emes, shalǵai aýyldarda da salynyp jatyr.
Infraqurylymdy damytý aiasynda 2022 jyldan bastap oblysta 40-qa jýyq meditsinalyq jańa nysan paidalanýǵa berildi, al biyl 94 nysan iske qosý josparlanǵan, sonyń 59-y «Aýyldyq densaýlyq saqtaýdy jańǵyrtý» ulttyq jobasy aiasynda salynady.
Sondai-aq, aýyldarda «qadamdyq qoljetimdiliktegi» alǵashqy meditsinalyq-sanitarlyq kómek jelisin keńeitý úshin 27 blok-modýldik meditsina nysany ornatylady, bul rette 2022 jyly 12, 2024 jyly 22 osyndai BMK salynyp, iske qosylǵan bolatyn. Oblys qurylǵaly beri kúrdeli qurylysy bar, BMK bar, bárin qosa alǵanda 130-dan astam meditsinalyq nysandy iske qostyq. Buǵan deiin meditsina salasynda mundai kólemdegi qurylys bolǵan emes, - degen B. Isabaev mereke kúni qajyrly eńbekteri úshin meditsina qyzmetkerlerine shyn júrekten rizashylyǵyn bildirip, marapattaý rásimin atqardy.
Sonymen qatar óńirdiń úzdik 30-ǵa jýyq meditsina qyzmetkeri vedomstvolyq nagradalarmen, qurmet gramotalarymen jáne oblys ákiminiń alǵys hattarymen marapattaldy.
Mqnan soń Taldyqorǵan qalalyq 2-shi emhananyń ginekolog dárigeri Sveta Bekbergenova áriptesterin merekemen quttyqtap, oblysta meditsina salasyna kórsetilip jatqan qoldaýlar úshin alǵys bildirdi.
Saltanatty is-shara óńir ónerpazdarynyń merekelik kontsertimen jalǵasty.
Jalpy oblystyń densaýlyq saqtaý salasynda 8 myńnan astam meditsina qyzmetkeri jumys isteidi. Ótken jyly 3,1 mlrd. teńgege 300 birlik meditsinalyq tehnika jáne 29 birlik sanitarlyq avtokólik satyp alyndy, al biyl bul maqsattarǵa 4,7 mlrd. teńge qarastyryldy. Jyl saiyn 60 mamannyń rezidentýrada oqýyna qarajat bólinedi. Biliktilikti arttyrý úshin óńirdiń meditsina mamandary álemniń, sonyń ishinde Túrkiia, Germaniia, Reseidiń ozyq klinikalaryna taǵylymdamadan ótýge jiberiledi.
