جەتىسۋدا بۇگىن وبلىسى اكىمى بەيبىت يسابايەۆتىڭ قاتىسۋىمەن كاسىبي مەرەكەلەرى قارساڭىندا مەديسينا قىزمەتكەرلەرىنە قۇرمەت كورسەتىلدى. سالتاناتتى ءىس-شارا اياسىندا ۇزدىك 30-عا جۋىق مەديسينا قىزمەتكەرىنە ۆەدومستۆولىق ناگرادالار، قۇرمەت گراموتالارى مەن وبلىس اكىمىنىڭ العىس حاتتارى تابىس ەتىلدى، – دەپ حابارلايدى، – دەپ حابارلايدى Dalanews.kz جەتىسۋ وبلىسى اكىمىنىڭ باسپا ءسوز قىزمەتىنە سىلتەمە جاساپ.
مەرەكە يەلەرىنە وتاندىق مەديسينانىڭ دامۋىنا قوسقان زور ەڭبەگى مەن ەلەۋلى ۇلەسى ءۇشىن ىزگى تىلەگىن بىلدىرگەن بەيبىت يسابايەۆ دەنساۋلىق ساقتاۋ جۇيەسىنىڭ دامۋ دەڭگەيىنە جانە قىزمەت كورسەتۋ ساپاسىنا تىكەلەي اسەر ەتەتىن نەگىزگى مىندەتتەرگە، ياعني ينفراقۇرىلىمدى دامىتۋعا، مەديسينالىق مەكەمەلەردى زاماناۋي جابدىقتارمەن قامتاماسىز ەتۋ ىسىنە ەگجەي-تەگجەيلى توقتالىپ، مامانداردى قولداۋ شارالارىن اتاپ ءوتتى.
ماسەلەن، وبلىستا العاش رەت اسا تاپشى ماماندارعا ءبىرجولعى ماتەريالدىق كومەك كورسەتىلەدى. اۋىلدىق جەرلەرگە جۇمىسقا كەلگەن ماماندار 10 ملن. تەڭگەدەن، ال قالالىق مەديسينالىق مەكەمەلەرگە كەلگەندەر 5 ملن. تەڭگەدەن الادى. بۇل بيىلعى جىلدىڭ 1 قاڭتارىنان ەنگىزىلىپ وتىر.
مەديسينالىق ۇيىمداردىڭ ماتەريالدىق-تەحنيكالىق بازاسىن نىعايتۋ ءۇشىن سوڭعى ەكى جىلدا جەرگىلىكتى بيۋدجەتتەن 5 ملرد. تەڭگە ءبولىندى. سونىڭ ارقاسىندا مەديسينالىق ۇيىمداردى قاجەتتى زاماناۋي قۇرالدارمەن جابدىقتاۋ دەڭگەيى 93%-عا دەيىن جەتكەن.
– دەنساۋلىق ساقتاۋ سالاسىنا بولىنگەن قارجى بيىل 92،3 ملرد تەڭگەگە جەتىپ وتىر. جاڭا نىساندار تەك وبلىس، اۋدان ورتالىقتارىندا عانا ەمەس، شالعاي اۋىلداردا دا سالىنىپ جاتىر.
ينفراقۇرىلىمدى دامىتۋ اياسىندا 2022 جىلدان باستاپ وبلىستا 40-قا جۋىق مەديسينالىق جاڭا نىسان پايدالانۋعا بەرىلدى، ال بيىل 94 نىسان ىسكە قوسۋ جوسپارلانعان، سونىڭ 59-ى «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا سالىنادى.
سونداي-اق، اۋىلداردا «قادامدىق قولجەتىمدىلىكتەگى» العاشقى مەديسينالىق-سانيتارلىق كومەك جەلىسىن كەڭەيتۋ ءۇشىن 27 بلوك-مودۋلدىك مەديسينا نىسانى ورناتىلادى، بۇل رەتتە 2022 جىلى 12، 2024 جىلى 22 وسىنداي بمك سالىنىپ، ىسكە قوسىلعان بولاتىن. وبلىس قۇرىلعالى بەرى كۇردەلى قۇرىلىسى بار، بمك بار، ءبارىن قوسا العاندا 130-دان استام مەديسينالىق نىساندى ىسكە قوستىق. بۇعان دەيىن مەديسينا سالاسىندا مۇنداي كولەمدەگى قۇرىلىس بولعان ەمەس، - دەگەن ب. يسابايەۆ مەرەكە كۇنى قاجىرلى ەڭبەكتەرى ءۇشىن مەديسينا قىزمەتكەرلەرىنە شىن جۇرەكتەن ريزاشىلىعىن ءبىلدىرىپ، ماراپاتتاۋ ءراسىمىن اتقاردى.
سونىمەن قاتار ءوڭىردىڭ ۇزدىك 30-عا جۋىق مەديسينا قىزمەتكەرى ۆەدومستۆولىق ناگرادالارمەن، قۇرمەت گراموتالارىمەن جانە وبلىس اكىمىنىڭ العىس حاتتارىمەن ماراپاتتالدى.
مقنان سوڭ تالدىقورعان قالالىق 2ء-شى ەمحانانىڭ گينەكولوگ دارىگەرى سۆەتا بەكبەرگەنوۆا ارىپتەستەرىن مەرەكەمەن قۇتتىقتاپ، وبلىستا مەديسينا سالاسىنا كورسەتىلىپ جاتقان قولداۋلار ءۇشىن العىس ءبىلدىردى.
سالتاناتتى ءىس-شارا ءوڭىر ونەرپازدارىنىڭ مەرەكەلىك كونسەرتىمەن جالعاستى.
جالپى وبلىستىڭ دەنساۋلىق ساقتاۋ سالاسىندا 8 مىڭنان استام مەديسينا قىزمەتكەرى جۇمىس ىستەيدى. وتكەن جىلى 3،1 ملرد. تەڭگەگە 300 بىرلىك مەديسينالىق تەحنيكا جانە 29 بىرلىك سانيتارلىق اۆتوكولىك ساتىپ الىندى، ال بيىل بۇل ماقساتتارعا 4،7 ملرد. تەڭگە قاراستىرىلدى. جىل سايىن 60 ماماننىڭ رەزيدەنتۋرادا وقۋىنا قاراجات بولىنەدى. بىلىكتىلىكتى ارتتىرۋ ءۇشىن ءوڭىردىڭ مەديسينا ماماندارى الەمنىڭ، سونىڭ ىشىندە تۇركيا، گەرمانيا، رەسەيدىڭ وزىق كلينيكالارىنا تاعىلىمدامادان وتۋگە جىبەرىلەدى.
