Almaty halyqaralyq áýejaiynda «Áýedegi densaýlyq – Jibek joly» jahandyq bastamasy aiasynda C909 «Oftalmologiia jáne LOR-densaýlyǵy» ushatyn gospitaliniń tanystyrylymy ótti, dep habarlaidy dalanews.kz.
Ortalyq Aziiadaǵy biregei joba Fýdan ýniversitetiniń Oftalmologiialyq jáne otolaringologiialyq aýrýhanasy, Qytaidyń kommertsiialyq aviatsiia korporatsiiasy (COMAC) jáne Ál-Farabi atyndaǵy Qazaq ulttyq ýniversitetiniń seriktestigimen uiymdastyryldy.
Shara aiasynda QazUÝ-dyń meditsina jáne densaýlyq saqtaý fakýlteti men Fýdan ýniversitetiniń Oftalmologiialyq jáne otolaringologiialyq aýrýhanasy arasynda yntymaqtastyq týraly kelisimge qol qoiyldy. Sondai-aq Qytai men Ortalyq Aziia elderi arasyndaǵy oftalmologiia salasyndaǵy áriptestik jónindegi kópjaqty kelisim rásimdeldi.
Rásim barysynda qatysýshylarǵa C909 ushatyn gospitaliniń múmkindikteri tanystyrylyp, onyń joǵary tehnologiialyq meditsinalyq jabdyqtary kórsetildi.
Aita ketsek, C909 – oftalmologiialyq jáne otorinolaringologiialyq kómek kórsetýge arnalǵan álemdegi alǵashqy mamandandyrylǵan áýe meditsinalyq kesheni. Ol halyqaralyq standarttarǵa sai ota jasaý bólmesimen, telemeditsina júielerimen jáne kóz dertin anyqtaityn jasandy intellekt tehnologiialarymen jabdyqtalǵan. Gospital skriningten bastap, hirýrgiialyq emdeý jáne ońaltýǵa deiingi meditsinalyq kómektiń tolyq tsiklin qamtamasyz etedi.
Missiia aiasynda Almatyda qos el mamandarynyń qatysýymen konferentsiialar, Qytai – Ortalyq Aziia oftalmologtarynyń simpoziýmy, patsientterge tegin konsýltatsiialar jáne 5G tehnologiiasy arqyly telemeditsinalyq keńester uiymdastyrylady. «Áýedegi densaýlyq – Jibek joly» jobasy Ortalyq Aziia turǵyndarynyń joǵary bilikti meditsinalyq kómekke qoljetimdiligin arttyrýǵa jol ashady.
Aýqymdy sharaǵa Ál-Farabi atyndaǵy QazUÝ, Almatydaǵy QHR Bas konsýldyǵynyń ókilderi, Qazaqstannyń memlekettik organdarynyń basshylary, QHR Saýda ministrligi Saýdany damytý biýrosy bas direktorynyń orynbasary Den Bo, QHR Tótenshe jaǵdailardy basqarý ministrligi basshysynyń orynbasary Mi Tszianin jáne ózge de mártebeli qonaqtar qatysty.
Saltanatty rásimde Ál-Farabi atyndaǵy QazUÝ Basqarma Tóraǵasy – Rektor Janseiit Túimebaevtyń quttyqtaýy jetkizildi. Hatta «C909 ushatyn gospitaliniń missiiasy – Qazaqstan men Qytai arasyndaǵy meditsina, ǵylym jáne joǵary bilim salalaryndaǵy yntymaqtastyqqa tyń serpin berip, akademiialyq almasý men birlesken zertteýlerdiń kókjiegin keńeitedi», – dep atap kórsetilgen.
Esterińizge sala ketsek, 2 shildede ýniversitet qabyrǵasynda «Qytai – Qazaqstan: oftalmologiiadaǵy jańa múmkindikter» atty halyqaralyq ǵylymi-tájiribelik konferentsiia ótti. Bul ǵylymi alań eki eldiń ǵalymdary men dárigerleriniń tájiribe almasýyna, birlesken zertteýlerdi damytýǵa úlken múmkindik berdi.
