Qazaqstan prezidenti Qasym-Jomart Toqaev AQSh prezidenti Donald Trampqa quttyqtaý hatyn joldady. Memleket basshysy ony Amerika Qurama Shtattarynyń táýelsizdigine 250 jyl tolýymen quttyqtady, dep habarlaidy dalanews.kz.
Aqorda málimetinshe, Qasym-Jomart Toqaev bul kúnniń AQSh halqy úshin tarihi mańyzy erekshe ekenin atap ótken. Prezident Amerika halqynyń erkindik, teńdik jáne ádildik qaǵidattaryn joǵary baǵalaitynyn jetkizdi.
Sonymen qatar Memleket basshysy qazaq-amerika qatynastarynyń damýyna Donald Tramptyń qosqan úlesin atap ótti. Toqaev Qazaqstannyń AQSh-pen keńeitilgen strategiialyq seriktestikti odan ári nyǵaitýǵa daiyn ekenin rastady.
"Qasym-Jomart Toqaev Donald Tramptyń jaýapty memlekettik qyzmetine tabys, al dostas AQSh halqyna baq-bereke tiledi", – delingen resmi habarlamada.
Aita keteiik, 4 shilde – AQSh-tyń Táýelsizdik kúni. Osydan 250 jyl buryn, 1776 jylǵy 4 shildede Qurama Shtattar Táýelsizdik deklaratsiiasyn qabyldap, Ulybritaniiadan bólinip shyqqan.
