Búgin Baiqońyrdaǵy «Desiatiletie» stadionynda Baiqońyr qalasynyń jáne ǵarysh ailaǵynyń 70 jyldyǵyna orai merekelik is-shara uiymdastyryldy, – dep habarlaidy Dalanews.kz
Oǵan QR Premer-ministriniń birinshi orynbasary Roman Skliar, Tsifrlyq damý, innovatsiialar jáne aeroǵarysh ónerkásibi ministri Jaslan Madiev, oblys ákimi Nurlybek Nálibaev, «Roskosmos» MK bas direktory Dmitrii Bakanov, ziialy qaýym ókilderi, eńbek ardagerleri men qala turǵyndary qatysty.
Shara Baiqońyr keshenindegi 14 uiym men mekeme ujymdarynyń sherýimen bastaldy. Odan keiin eki eldiń Memlekettik Gimnderi oryndalyp, Qazaqstan Respýblikasynyń Prezidenti Qasym-Jomart Toqaev pen Resei Prezidenti Vladimir Pýtinniń beinequttyqtaýlary kórsetildi.
QR Premer-ministriniń birinshi orynbasary R.V.Skliar Baiqońyr – ǵaryshqa jol ashqan meken, mereitoi Qazaqstan men Resei arasyndaǵy dostyq pen yntymaqtastyqtyń, ǵylym men tehnikanyń jetistikteriniń jarqyn kórinisi ekenin aitty.
Merekelik sharada qala ákimshiliginiń basshysy Konstantin Býsygin jinalǵan jurtshylyqty quttyqtady. Sondai-aq, Halyqaralyq ǵarysh stantsiiasynyń 73-ekspeditsiia músheleri – ǵaryshkerlerdiń arnaiy beinequttyqtaýy usynyldy.
Merekede qoǵamdyq-saiasi jáne áleýmettik-ekonomikalyq salalardaǵy eren eńbegi úshin Baýyrjan Momyshuly atyndaǵy II dárejeli «Aibyn» ordenimen QR IIM-niń Baiqońyr qalasyndaǵy ókildigi bastyǵynyń orynbasary Ermek Iskakov, II dárejeli «Dostyq» ordenimen Baiqońyr qalasy ákimshiligi basshysynyń orynbasary Nikolai Adasev, «Qurmet» ordenimen dáriger Qarasai Nurov, ákimshilik qyzmetkeri Skendir Jarekesov, Mádeniet saraiynyń kórkemdik jetekshisi Ǵaliia Jalǵasbaeva, «Eren eńbegi úshin» medalimen oblys ákimi apparatynyń bólim basshysy Jan Shaihyslamov, «Baiqońyrenergo» kásiporny bas injeneriniń orynbasary Ǵalymjan Jumabaev,
«Shapaǵat» medalimen Analar keńesiniń tóraiymy Kenishkúl Esshanova marapattaldy.
Sondai-aq, birneshe adam «Baiqońyr qalasynyń Qurmetti azamaty» ataǵyna ie boldy.
Kesh otandyq estrada juldyzdarynyń qatysýymen ótken kontsertpen jalǵasyp, otshashýmen aiaqtaldy.
