بۇگىن بايقوڭىرداعى «دەسياتيلەتيە» ستاديونىندا بايقوڭىر قالاسىنىڭ جانە عارىش ايلاعىنىڭ 70 جىلدىعىنا وراي مەرەكەلىك ءىس-شارا ۇيىمداستىرىلدى، – دەپ حابارلايدى Dalanews.kz
وعان ق ر پرەمەر-مينيسترىنىڭ ءبىرىنشى ورىنباسارى رومان سكليار، سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ، وبلىس اكىمى نۇرلىبەك نالىبايەۆ، «روسكوسموس» مك باس ديرەكتورى دميتريي باكانوۆ، زيالى قاۋىم وكىلدەرى، ەڭبەك ارداگەرلەرى مەن قالا تۇرعىندارى قاتىستى.
شارا بايقوڭىر كەشەنىندەگى 14 ۇيىم مەن مەكەمە ۇجىمدارىنىڭ شەرۋىمەن باستالدى. ودان كەيىن ەكى ەلدىڭ مەملەكەتتىك گيمندەرى ورىندالىپ، قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ پەن رەسەي پرەزيدەنتى ۆلاديمير ءپۋتيننىڭ بەينەقۇتتىقتاۋلارى كورسەتىلدى.
ق ر پرەمەر-مينيسترىنىڭ ءبىرىنشى ورىنباسارى ر.ۆ.سكليار بايقوڭىر – عارىشقا جول اشقان مەكەن، مەرەيتوي قازاقستان مەن رەسەي اراسىنداعى دوستىق پەن ىنتىماقتاستىقتىڭ، عىلىم مەن تەحنيكانىڭ جەتىستىكتەرىنىڭ جارقىن كورىنىسى ەكەنىن ايتتى.
مەرەكەلىك شارادا قالا اكىمشىلىگىنىڭ باسشىسى كونستانتين بۋسىگين جينالعان جۇرتشىلىقتى قۇتتىقتادى. سونداي-اق، حالىقارالىق عارىش ستانسياسىنىڭ 73-ەكسپەديسيا مۇشەلەرى – عارىشكەرلەردىڭ ارنايى بەينەقۇتتىقتاۋى ۇسىنىلدى.
مەرەكەدە قوعامدىق-ساياسي جانە الەۋمەتتىك-ەكونوميكالىق سالالارداعى ەرەن ەڭبەگى ءۇشىن باۋىرجان مومىش ۇلى اتىنداعى ءىى دارەجەلى «ايبىن» وردەنىمەن ق ر ءىىم-نىڭ بايقوڭىر قالاسىنداعى وكىلدىگى باستىعىنىڭ ورىنباسارى ەرمەك يسكاكوۆ، ءىى دارەجەلى «دوستىق» وردەنىمەن بايقوڭىر قالاسى اكىمشىلىگى باسشىسىنىڭ ورىنباسارى نيكولاي اداسيەۆ، «قۇرمەت» وردەنىمەن دارىگەر قاراساي نۇروۆ، اكىمشىلىك قىزمەتكەرى سكەندىر جارەكەسوۆ، مادەنيەت سارايىنىڭ كوركەمدىك جەتەكشىسى عاليا جالعاسبايەۆا، «ەرەن ەڭبەگى ءۇشىن» مەدالىمەن وبلىس اكىمى اپپاراتىنىڭ ءبولىم باسشىسى جان شايحىسلاموۆ، «بايقوڭىرەنەرگو» كاسىپورنى باس ينجەنەرىنىڭ ورىنباسارى عالىمجان جۇمابايەۆ،
«شاپاعات» مەدالىمەن انالار كەڭەسىنىڭ ءتورايىمى كەنىشكۇل ەسششانوۆا ماراپاتتالدى.
سونداي-اق، بىرنەشە ادام «بايقوڭىر قالاسىنىڭ قۇرمەتتى ازاماتى» اتاعىنا يە بولدى.
كەش وتاندىق ەسترادا جۇلدىزدارىنىڭ قاتىسۋىمەن وتكەن كونسەرتپەن جالعاسىپ، وتشاشۋمەن اياقتالدى.
