Osy maqsatta Taldyqorǵan qalasynda "Bereke" kottedjdi qalashyǵy paida bolatyny habarlanǵan. Kúni keshe osy aýdanda irgetasy qalanǵan 100 kottedjdiń qurylysy aiaqtalyp, qoldanysqa berildi.
Almaty oblystyq baspasóz qyzmetiniń habarlaǵanyndai kottedjderdiń kiltin tapsyrý rásimi 4 qazan qala kúnimen tuspa-tus kelgen. Dál osy kúni kóp balaly analar, aýǵan soǵysynyń ardagerleri jáne úi kezeginde turǵan otbasylar qutty qonystaryna kirdi.
Baspanaly bolǵan otbasylarǵa páter kiltin oblys ákimi Amandyq Batalov pen ǵaryshker Aidyn Aiymbetov tabystady.
"Bereke" móltek aýdanynda boi kótergen 100 kottedjdiń aýmaǵy birdei, ishi - syrty aqtalǵan, árbir úidiń aýlasy sharbaqpen qorshalǵan.
Qala kúninde qýanyshqa bólengen otbasylardy oblysy ákimi Amandyq Batalov qos merekemen quttyqtap, tilek aitty.
- Shańyraǵyń biik, bosaǵań berik bolsyn deitin jaqsy tilek bar qazaqta. Búgin sizderdiń qýanyshtaryńyzǵa osyndai tilekterdi arnap aitqym keledi.
Jańa baspanada bala-shaǵalaryńyz ósip-ónsin, ishi shattyq pen baqytqa tolsyn!
Bul kottedjdi qalashyq biraz jyl buryn qolǵa alynǵanymen, qurylysy biraz saiabyrlap qalǵan edi. Biylǵy jyly qurylys jumystaryn jandandyryp, sonyń 100 úiin aiaqtap, kóp balaly analarymyzǵa, baspanaǵa muqtaj azamattarǵa berip otyrmyz.
Elbasy júrgizgen, jańa Prezidentimiz jalǵastyrǵan memlekettik saiasattyń arqasynda osyndai zor nátijelerge qol jetkizip kelemiz. Yntymaǵymyzdy saqtap, birlese eńbek etsek, budan da biik belesterge jetemiz. Qashanda el irgesi tynysh, eńbegimiz jemisti, urpaqtarymyzdyń bolashaǵy jarqyn bolsyn! – dedi A. Batalov.
Artynsha ǵaryshker Aidyn Aiymbetov sóz alyp, jańa qonysqa kóshken otbasylardy úili bolýymen quttyqtady.
"Bereke" shaǵyn aýdanynda salynǵan kottedjderdiń qurylysyna oblystyń kásipkerleri qol ushyn sozdy. Biznes áleýmettik jaýapkershiligin eskergen belsendi kásipkerlerdiń qatarynda «Sarqan Mai», «Adal», «Kazfýdprodaks», «Jarkent Arasan», «Tabys damý», «Nur-Shapaǵat», «Aqsý qant», «Vershki» JShS-larynyń, «Ernar» sharýa qojalyǵynyń, Jarkent Krahmal zaýytynyń basshy azamattary bar.
Kilt tapsyrý tapsyrý rásiminde osynaý kásiporyn basshylarynyń birazy ortaǵa shyǵyp, baspanaly bolǵan otbasylardaǵy qonys toiymen quttyqtady.
Sharada kóp balaly ana Zyliha Nurseiitovaǵa sóz berilip, aýzy dýaly aqsaqal Álimǵazy Raiymbekov jinalǵan jurtqa aq batasyn berdi.
Amandyq Batalov qoldanysqa berilgen kottedjerdi aralap kórip, kóp balaly ana Rysqan Aqbákirova men Zyliha Nurseiitovanyń dastarhanynan dám tatty.
Aita ketelik, qoldanysqa berilgen 100 kottedj "Kottedjdi qalashyqtaǵy" jalpy qurylystyń alǵashqy kezeńi ǵana. Josparǵa sáikes bul aýdanda aýmaǵy 56 myń sharshy metr bolatyn 606 kottedjdiń qabyrǵasy qalanbaq.
Ázir eki qabatty 155 úidiń qurylysy júrdek júrip jatyr. Qurylys jumystaryn 5 kompaniia atqarýda.
Atap aitqanda kópbalaly otbasylarǵa arnap "Le Pes» kompaniia jalpy aýmaǵy 10,2 myń sharshy metrlik 125 páterli 2 úi salýda.
«7-20-25» baǵdarlamasy arqyly 8-shi jáne 9-shy shaǵyn aýdandarda aýmaǵy 23,8 myń sharshy metr bolatyn 5 úidiń qurylysyn biyl bastap, keler jyly aiaqtaý kózdelgen.
Sonymen birge biýdjet esebinen 8 jáne 9 shaǵyn aýdandarda jalpy aýdany 140,5 myń sharshy metr 1 553 páterlik 15 úidiń jobalyq-smetalyq qujattary jasalýda.
Jyl basynan beri qalada "Nurly jer" baǵdarlamasy boiynsha 100,4 myń sharshy metr turǵyn úi qoldanysqa berilgen, bul byltyrǵy kórsetkishten 1,8 ese joǵary.
Biylǵy jyly kóp balaly jáne az qamtylǵan otbasylardyń turǵyn úi máselesin sheshýge respýblikalyq biýjdetten 5,6 mlrd. teńge bólindi, onyń 3,4 milliardy – 492 páter satyp alýǵa, 2,2 milliard teńgesi 180 páter satyp alýǵa jumsalatyn bolady.
