Keshe Almatyda oiyn alańynda balany tepken er adam ustaldy. Jábirlenýshi búldirshinniń anasy oqiǵany baiandap berdi, dep habarlaidy Dalanews.kz.
Áieldiń aitýynsha, oqiǵa 29 qarashada bolǵan, biraq ol bul jaǵdaidy birden bilmegen. Kelesi kúni kórshileri balasy qatty jylaǵanyn jáne ony eresek adam urǵanyn aitqan. Osydan keiin ǵana ol beinejazbany kórgen.
"Videony kórgendegi kúiimdi sózben jetkizý qiyn. Budan bólek, sol eki kúnniń ishinde balany urǵan adamnyń áieli kelip, anamdy qorqytqan. Al men jumystan kelgenimde balam tósek tartyp jatyp qalǵan", - dedi jábirlenýshiniń anasy "1001 tún" baǵdarlamasynda.
Eske salaiyq, buǵan deiin oqiǵanyń mán-jaiyn jazǵan edik. Bul jait Alataý aýdanynda ornalasqan "Kaspii" turǵyn úi kesheniniń aýlasynda bolǵan. Kýágerlerdiń aitýynsha, balalar arasyndaǵy kelispeýshilikke eresek er adam osylai aralasqan.
