Mádeniet jáne aqparat ministri Aida Balaeva jýrnalisterdiń Resei prezidenti Vladimir Pýtin men Qazaqstannyń Tuńǵysh prezidenti Nursultan Nazarbaevtyń Kremldegi kezdesýine qatysty suraqtaryna jaýap berdi, dep habarlaidy Dalanews.kz.
Ministr bul kezdesýdiń naqty mán-jaiynan habarsyz ekenin aityp, pikir bildirýden bas tartty. Degenmen ol bul kezdesýdi Nazarbaevtyń ózi bastamalaǵan bolýy múmkin ekenin boljady.
"Men bilmeitin nársege pikir bildirýdi ádetke ainaldyrmaǵanmyn. Bul kezdesýdi, shamasy, Tuńǵysh prezidenttiń ózi bastama etken shyǵar. Árine, Pýtinniń baspasóz qyzmeti bul videony jariialady. Qazir bul týraly naqty pikir aitý qiyn. Biraq men kelisemin – mundai máselelermen júieli túrde ainalysýymyz kerek. Bul óz aldyna jeke jumys blogy bolýy tiis", – dedi ministr.
Jýrnalister odan mundai kezdesýler Toqaevqa qysym kórsetý quraly emes pe dep naqtylaýdy surady. Buǵan jaýap retinde Balaeva:
"Bul jaily oilanbappyn, shynymdy aitsam. Qazir suraǵyńyzben meni tyǵyryqqa tirep tursyzdar. Buryn-sońdy bul jaǵyn qarastyrmaǵan ekenmin", – dep jaýap berdi.
Eske salaiyq, kúni keshe Nazarbaev Máskeýde Pýtinmen kezdesti. Bul týraly Resei prezidentiniń baspasóz hatshysy Dmitrii Peskov habarlady.
«Búgin Resei prezidenti Kremlde Qazaqstannyń birinshi prezidenti Nursultan Nazarbaevpen kezdesti», – dedi Peskov.
Kezdesýdiń naqty qandai másele boiynsha ótkeni ázirge habarlanǵan joq.
