مەدەنيەت جەنە اقپارات مينيسترٸ ايدا بالاەۆا جۋرناليستەردٸڭ رەسەي پرەزيدەنتٸ ۆلاديمير پۋتين مەن قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ كرەملدەگٸ كەزدەسۋٸنە قاتىستى سۇراقتارىنا جاۋاپ بەردٸ, دەپ حابارلايدى Dalanews.kz.
مينيستر بۇل كەزدەسۋدٸڭ ناقتى مەن-جايىنان حابارسىز ەكەنٸن ايتىپ, پٸكٸر بٸلدٸرۋدەن باس تارتتى. دەگەنمەن ول بۇل كەزدەسۋدٸ نازارباەۆتىڭ ٶزٸ باستامالاعان بولۋى مٷمكٸن ەكەنٸن بولجادى.
"مەن بٸلمەيتٸن نەرسەگە پٸكٸر بٸلدٸرۋدٸ ەدەتكە اينالدىرماعانمىن. بۇل كەزدەسۋدٸ, شاماسى, تۇڭعىش پرەزيدەنتتٸڭ ٶزٸ باستاما ەتكەن شىعار. ەرينە, پۋتيننٸڭ باسپاسٶز قىزمەتٸ بۇل ۆيدەونى جارييالادى. قازٸر بۇل تۋرالى ناقتى پٸكٸر ايتۋ قيىن. بٸراق مەن كەلٸسەمٸن – مۇنداي مەسەلەلەرمەن جٷيەلٸ تٷردە اينالىسۋىمىز كەرەك. بۇل ٶز الدىنا جەكە جۇمىس بلوگى بولۋى تيٸس", – دەدٸ مينيستر.
جۋرناليستەر ودان مۇنداي كەزدەسۋلەر توقاەۆقا قىسىم كٶرسەتۋ قۇرالى ەمەس پە دەپ ناقتىلاۋدى سۇرادى. بۇعان جاۋاپ رەتٸندە بالاەۆا:
"بۇل جايلى ويلانباپپىن, شىنىمدى ايتسام. قازٸر سۇراعىڭىزبەن مەنٸ تىعىرىققا تٸرەپ تۇرسىزدار. بۇرىن-سوڭدى بۇل جاعىن قاراستىرماعان ەكەنمٸن", – دەپ جاۋاپ بەردٸ.
ەسكە سالايىق, كٷنٸ كەشە نازارباەۆ مەسكەۋدە پۋتينمەن كەزدەستٸ. بۇل تۋرالى رەسەي پرەزيدەنتٸنٸڭ باسپاسٶز حاتشىسى دميتريي پەسكوۆ حابارلادى.
«بٷگٸن رەسەي پرەزيدەنتٸ كرەملدە قازاقستاننىڭ بٸرٸنشٸ پرەزيدەنتٸ نۇرسۇلتان نازارباەۆپەن كەزدەستٸ», – دەدٸ پەسكوۆ.
كەزدەسۋدٸڭ ناقتى قانداي مەسەلە بويىنشا ٶتكەنٸ ەزٸرگە حابارلانعان جوق.
