Búgin, iaǵni 2025 jyly 30 shildede qor birjasyndaǵy saýda-sattyqtaǵy 1 AQSh dollarynyń quny 549 teńgeni iektep, naryqqa qatysýshylar jańa deńgei - 550 teńgeni asyǵa kútken edi. Alaida, jaǵdai kerisinshe sipatqa ie boldy. Birneshe minýt ishinde 1 AQSh dollarynyń quny 548,45 teńgeden 543,10 teńgege deiin nyǵaidy. Ekonomist ári "Kommentarii" Telegram arnasynyń avtory Eldar Shamsýtdinov Ulttyq Banktiń valiýtalyq interventsiia júrgizgenin aitady, dep habarlaidy Dalanews.kz.
"USD/KZT baǵamy birneshe minýt ishinde 548,45 teńgeden 543,10 teńgege deiin nyǵaidy. Retteýshiniń resmi málimdemesinen keiin naryq "jalp" etti, 548 teńgeden joǵary usynystar lezde joiyldy, satýshylar qarsylyq kórsetpesten kólemdi shegerdi. BID-de 545,00 teńgege 2 mln jáne 543,50 teńgege 1,23 mln dollar boiynsha qoldaý qalyptasty. Osylaisha QR Ulttyq Banki birjaqty alypsatarlyq is-qimyldy shalt tizgindeýge daiyn ekenderin kórsete bildi. Áseri birden boldy, naryq sýyp, satyp alýshylardyń belsendiligi kúrt tómendedi, aqsha baǵamy da odan ári ósýin toqtatty", delingen "Kommentarii" Telegram arnasyndaǵy jazbada.
Soǵan qaraǵanda jýyq arada Ulttyq Bank ókilderi de resmi málimdememen BAQ aldyna shyǵyp qalýy kerek.
