بۇگىن، ياعني 2025 جىلى 30 شىلدەدە قور بيرجاسىنداعى ساۋدا-ساتتىقتاعى 1 اقش دوللارىنىڭ قۇنى 549 تەڭگەنى يەكتەپ، نارىققا قاتىسۋشىلار جاڭا دەڭگەي - 550 تەڭگەنى اسىعا كۇتكەن ەدى. الايدا، جاعداي كەرىسىنشە سيپاتقا يە بولدى. بىرنەشە مينۋت ىشىندە 1 اقش دوللارىنىڭ قۇنى 548،45 تەڭگەدەن 543،10 تەڭگەگە دەيىن نىعايدى. ەكونوميست ءارى "كوممەنتاريي" Telegram ارناسىنىڭ اۆتورى ەلدار شامسۋتدينوۆ ۇلتتىق بانكتىڭ ۆاليۋتالىق ينتەرۆەنسيا جۇرگىزگەنىن ايتادى، دەپ حابارلايدى Dalanews.kz.

"USD/KZT باعامى بىرنەشە مينۋت ىشىندە 548،45 تەڭگەدەن 543،10 تەڭگەگە دەيىن نىعايدى. رەتتەۋشىنىڭ رەسمي مالىمدەمەسىنەن كەيىن نارىق "جالپ" ەتتى، 548 تەڭگەدەن جوعارى ۇسىنىستار لەزدە جويىلدى، ساتۋشىلار قارسىلىق كورسەتپەستەن كولەمدى شەگەردى. BID-دە 545،00 تەڭگەگە 2 ملن جانە 543،50  تەڭگەگە 1،23 ملن دوللار بويىنشا قولداۋ قالىپتاستى. وسىلايشا ق ر ۇلتتىق بانكى ءبىرجاقتى الىپساتارلىق ءىس-قيمىلدى شالت تىزگىندەۋگە دايىن ەكەندەرىن كورسەتە ءبىلدى. اسەرى بىردەن بولدى، نارىق سۋىپ، ساتىپ الۋشىلاردىڭ بەلسەندىلىگى كۇرت تومەندەدى، اقشا باعامى دا ودان ءارى ءوسۋىن توقتاتتى"، دەلىنگەن "كوممەنتاريي" Telegram ارناسىنداعى جازبادا.

سوعان قاراعاندا جۋىق ارادا ۇلتتىق بانك وكىلدەرى دە رەسمي مالىمدەمەمەن ب ا ق الدىنا شىعىپ قالۋى كەرەك.