Qazaqstandyqtardyń atynan zańsyz rásimdeletin nesielerge azamattardyń ózderi sebepker. Bul týraly Qarjy naryǵyn retteý jáne damytý agenttigi tóraǵasynyń orynbasary Oljas Qizatov málimdedi, dep habarlaidy Dalanews.kz.
Ol qarjy alaiaqtyǵynyń 95 paiyzy bank qosymshalaryndaǵy osaldyqtan emes ekenin ashyp aitty.
“Alaiaqtar nesie rásimdemeidi. Azamattyń ózi bankke nemese mikroqarjy uiymyna baryp, nesie alady ne bolmasa shotynan qarajat sheship, keiin sol aqshany alaiaqtarǵa óz qolymen beredi. Barlyq rásim zańdy túrde ótedi – ETsQ arqyly, rastaýmen”, – dedi Qizatov.
Sondai-aq ol bank qosymshalary buzyldy degen jappai derektiń rastalmaǵanyn aitty. Agenttik júrgizgen jospardan tys tekserý mundai buzýshylyqtardyń joq ekenin kórsetken.
Sonymen qatar Qizatov qazirgi zańnamada alaiaqtar arqyly alynǵan nesieler tek sot sheshimimen kúshin joia alatynyn atap ótti. Alaida jańa zań jobasynda sotqa deiingi tártippen nesieni jaramsyz dep taný tetigi qarastyrylyp jatyr.
Mundai jaǵdaida nesie: “sýytý kezeńinde” klienttiń jeke qatysýy qamtamasyz etilmese jáne qaryz berýge ekinshi márte kelisim alynbasa joiylýy múmkin.
