Advokat Baýyrjan Azanov el ishinde "quqyq qorǵaýshy" retinde tanylǵan Aitbek Amangeldige saýal qoidy. Aitýynsha, Amangeldi Qańtar qurbandary men olardyń otbasyna kómek kórsetý maqsatynda qurylǵan qordan aqsha alǵan, dep habarlaidy Dalanews.kz.
Advokat Amangeldiniń eshqashan zańgerlik qyzmetpen ainalyspaǵanyn aitady. Ashyq derekkózde onyń tek marketing, qarjy, IT salasynda eńbek etkeni kórsetilgen.
"Aitbek eshqashan advokattyq kýálik almaǵan, sot protsesine qorǵaýshy retinde resmi qatyspaǵan. Sonda QANTAR qorynan naqty qandai qyzmeti úshin aqsha alyp júr? Eger sol bir qiyn shaqta jábir kórgen otbasylarǵa kómek kórsetse, dálel usynsyn. Zań salasynda kásibi statýsy joq azamattyń qordan aqsha alýy qanshalyqty qisyndy?", – deidi Azanov.
Advokat qordyń Qańtar qurbandarynyń jaqyndaryna kómek berý, jábirlenýshilerge quqyqtyq qoldaý kórsetý maqsatynda qurylǵanyn eske salyp otyr.
"Adamgershilik turǵysynan ózgeniń qaiǵysynan paida tabý durys emes. Aitbek Qańtar qorynan qandai maqsatta aqsha alǵanyn túsindirýi kerek. Únsiz qalǵan jaǵdaida qordyń qarjysy kimniń qaltasyna aýyp jatyr degen zańdy saýal týady", – deidi Azanov.
Advokat qor jumysynan ashyqtyq pen aiqyndyqty talap etýde. Aitýynsha, qordyń árbir teńgesi maqsatty jumsalýy tiis.
«QANTAR qory naqty kimge kómektesedi? Japa shekken qaýym qalys qalyp jatqan joq pa?", - deidi maman.
